Next
【打工真係好大壓力！｜壓力大徵狀】一人一個返工壓力大徵狀！晚晚失眠、極不願意入公司門口、電話一響就焦慮……
【打工真係好大壓力！｜壓力大徵狀】一人一個返工壓力大徵狀！晚晚失眠、極不願意入公司門口、電話一響就焦慮……
2024-07-05
【打工真係好大壓力！｜壓力大徵狀】打工仔為求生計，每天都要處理排山倒海的工作量，令自己承受着龐大的工作壓力，影響身心健康，更會出現嚴重的生理及心理疾病。
Table of Content
關於網民盤點的徵狀
近日，有網民於連登討論區以「返工最大壓力試過點樣？」為題發文，詢問各位打工仔因工作壓力過大而出現甚麼問題，不少網民的回覆都令人感到心酸……
延伸閱讀：【職場調查2024】近8成半青年初入職場感壓力！咩原因令佢哋唔想返工？有問題建議同上司食Lunch？
按圖了解網民回應：
關於網民盤點工作壓力大的徵狀
樓主：晚晚扎醒2、3次，朝朝鬧鐘未響已經扎醒咗、好唔想行入公司、返工大部分時間個人都好攰、瞌眼瞓，完全唔想同人講嘢、放工即走……
網民A：瞓覺發夢會聽到地盤打樁聲、半夜扎醒幾次，去大解嗰陣會有血。
網民B：試過lunch time一路食飯，一路喺張白紙寫滿晒「死」字……
網民C：手頭上啲case份份都有deadline，做唔切就好大鑊。每晚瞓緊覺都會諗起公司嘢而扎醒，瞓醒就第一時間諗返到公司要做咩嘢，我都覺自己好病態，奈何又搵唔到工轉……
網民D：試過返工返到重度抑鬱，每日返工放工，都會想一心尋死，但最後會無膽而繼續勉強生存落去。直到發現自己真係搞唔掂，同公司請咗個好長嘅SL，轉工先無事。
網民E：返返吓工，走咗去飲啤酒減壓……
網民F：好驚電話響，電話一響個人就會極度panic……
網民G：每日收工，都會對住塊鏡，幻想老細企喺我面前，然後不斷大罵佢，感覺自己遲早有一日會爆……
網民H：香港工作環境真係好抑壓，平時唔蛇王嘅話點平衡返個心理！
網民I：食lunch 5分鐘內食完，剩低嘅時間都係攞嚟做嘢。枱面超級多文件、files，個人感覺勁壓迫。有時頂唔順，就會匿喺枱底自閉一陣，之後死死地氣坐返起身做嘢，趕進度。有時去廁所太急，唔記得開廁板蓋，直接痾到成地都係尿，用咗勁多廁紙同時間清返乾淨……
網民J：喺夢中夢想逃離屋企，扎醒兩次先真係醒。然後嗰排仲要瘋狂甩頭髮，同食唔到嘢瘦到個人好唔健康。
網民K：唔明返工點解可以返到咁，而家啲人抗壓能力真係低成咁？唔啱做咪轉工，自己又要留低又要呻。
延伸閱讀：【職場熱話】返工壓力大到會無端端喊 網民：影響建康一律建議轉工
【職場健康資訊】「自我破壞」5大徵兆｜減壓食物｜紓緩眼睛疲勞｜久坐而腰酸背痛｜慢性疲勞｜失眠有原因｜職場抑鬱｜延緩白髮生
延伸閲讀：【職場調查】香港人抑鬱指數創新高！逾4成青年中、重度抑鬱！壓力來自於4大因素？
工作壓力常見問題
為何會感到工作壓力？
工作壓力的來源主要來自以下6大類：
♦工作安排：
- 工作安排不平衡
- 工作時間過長或不穩定
- 工作職責不容有失
- 指導或培訓不足
♦工作環境：
- 身處吵雜的職場
- 令人感到不適的空氣質素
- 過於狹窄的工作空間
♦個人態度：
- 個人過於自我中心，不聽從別人意見
- 缺乏與同事的溝通能力，未敢向同事求助
- 奉行完美主義，因而經常感到挫敗及不滿
♦人際關係：
- 與老闆、上司或同事有着惡劣關係
- 經常受到客戶無理要求或投訴
♦工作前途
- 未能發揮個人能力
- 工作缺乏晉升機會
- 擔憂事業前途
- 薪金與職責不相稱
♦家庭失衡
- 工作繁忙而未能兼顧家庭
- 缺乏家人支持
如何舒緩工作壓力？
打工仔可以保持有規律的作息、培養運動習慣、充足的睡眼讓精神可以休養，亦可以學習正念、冥想的方式幫助自己情緒管理。
面對職場挫敗時，可以如何自處？
不妨嘗試以下5種方法，助你停止思慮過多，重拾自信心：
♦深呼吸
- 透過緩慢的深呼吸讓大量氧氣輸送至大腦，刺激大腦神經來得以放鬆和休息，能夠冷靜下來，避免繼續陷入情緒失控的循環。
♦分散注意力
- 分散注意力使自己暫時逃離困擾的情緒，使心情可以慢慢平復。在公司範圍可以選擇吃零食、到廁所洗臉，或適當地瀏覽社交媒體等；在家中則可做平日鍾愛之事，如閱讀書本、聽音樂、看電影等，盡量分散注意力，暫停過度思考而感自卑的情況。
♦着眼大局
- 工作出現失誤，普遍都是些可以挽救之事，而且於他人眼中很快就遺忘，非自己想像般嚴重。無需過於執着自己的小過錯，覺得無可挽救，謹記不再重蹈覆轍就可以了。
♦肯定自己的往績
- 工作生涯有過錯，同樣亦有成功，只是把過失比例看得太重，導致忽視自己成功的往績，否定了自身價值，認定自己的評價從此一落千丈。應該視每次的過失為學習機會，讓自己繼續進步，回憶以往的成就，肯定自己來重建自信心。
♦撰寫日記
- 於睡前撰寫日記，為自己提供一個反思過程，仔細審視一天的心情、態度、工作等，透過文字的形式抒發自己的情緒，減少在思考太多導致的焦慮感，緩和各方面形成的壓力。
如何排解情緒問題？
- 打工仔遇到工作壓力過大時，可以向朋友或家人尋求支援，亦可以向上司討論工作壓力導致的情緒問題，看看公司能否為打工仔的工作量作出調整。一旦發現自己有不尋常的舉動，應該尋求專業的協助，透過藥物及醫生的治療控制及穩定情緒。
想知自己有否患上抑鬱症？不妨為自己進行測試，幫助自己及早就醫！
求助熱線
- 生命熱線︰2382 000
- 香港撒瑪利亞防止自殺會︰2389 2222
延伸閲讀：【抑鬱症︱焦慮症｜強迫症｜驚恐症】4種常見情緒病 情緒低落、想獨處、頭暈、失眠是病徵？
延伸閲讀：【唔想返工｜返工焦慮症｜職場健康】起身換好衫倍感壓力 打工仔呻：最後射波鬆一口氣！
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!