【打工仔心態】網民列10項成熟打工仔應有特徵！你又中咗幾多項？

2024-11-28

隨着年齡的增長，打工仔在待人處事的態度會變得更為成熟。在職場上，他們能夠從容地應對工作中的各種挑戰，處理人際關係時更得心應手，不再像初出茅廬的小子一樣冒冒失失。近日，有網民在社交專頁「奴工處」投稿，分享10項成熟打工仔應具備的特徵，你又同意嗎？

按圖看樓主分享及網民回應！

+12

+11

樓主：好似話，成熟打工仔都有以下特徵：

1/ 會主動打招呼，被人無視都不失霸氣，無懼被冷待；

2/ 唔再同人鬥表現，自己有幾多斤量自己知；

3/ 能夠禮貌地拒絕Team Lunch／聚會，同時與同事保持善意距離；

4/ 就算畀同事將自己嘅過失當成話柄，都能用自嘲方式化解；

5/ 保持謙卑開放嘅心態，會向00後新人學習；

6/ 唔再咩都死頂，需要時會識得搵支援；

7/ 擺脫個人主義，以團隊利益為依歸；

8/ 解決問題行先，情緒可以暫時放埋一邊；

9/ 面對唔同意嘅事，唔會立即反駁，學識沉默應對；

10/ 放工後，唔再被工事困擾；

大家又做到幾多？又或者仲有冇其他？

網民A：成熟嘅打工仔應該要熟悉「職場卸膊操」。

網民B：成熟打工仔最緊要係準時收工。

網民C：好可惜，香港人唔識得應對壓力，畀壓力影響到自己表現同生活，講咩都冇用啦。

網民D：畀人鬧都唔會上心。

網民E：要學識如何增加收入，令自己得益更多。

網民F：成熟打工仔要熟悉勞工法例。

網民G：唔會因為冇人搵你參加聚會或加你入非公事群組而難過，因為明白公司唔係交朋結友嘅地方。

網民H：學識隱藏自己，只會將自己最好嗰面畀其他人睇。

網民I：我仲未做到6、8、9同10。

網民J：9真係好重要，我身邊好多人都識。

帖文一出，立即引起網民熱議。有網民補充成熟打工仔應該熟悉「職場卸膊操」和勞工法例，因為職場如戰場，人心難測，若然了解相關法律和規範便能有效保障自己的利益。此外，有網民指出成熟打工仔會準時下班，以保持良好的工作與生活平衡。人愈大，背負的責任以及壓力就愈多，因此有網民認為懂得增加收入，確保經濟穩定亦是成熟打工仔不可或缺的特徵。

30歲前必須學懂的10件事！

+22

+21