Next
【中年人工】30歲應該要係咩職位同人工先合理？公務員30歲人工可以跑贏私人企業？網民： IT行業輕鬆月入$6.9萬！
【中年人工】30歲應該要係咩職位同人工先合理？公務員30歲人工可以跑贏私人企業？網民： IT行業輕鬆月入$6.9萬！
2025-01-17
三十而立，不少打工仔都視30歲為人生最要的階段，希望自己能在事業上有一番成就，成為社會上的成功人士，過着富足而美滿的生活。不過，每位打工仔的背景、能力、際遇不同，導致部分打工仔未能達到目標。近日，有網民於連登討論區以「各行各業去咗30歲大約係咩位同咩人工」為題發帖，表示自己剛踏入30大關，因此好奇不同行業的打工仔在30歲時處於哪個職位，以及有多少薪酬，讓事主可以有所參考。
按圖了解網民回應：
樓主：而家30歲，有8年工作經驗。想知各行各業嘅大家，去到30歲係做緊咩位同人工幾多？最近聽人講唔少公務員去到30歲，已經可以上到6位數，跑贏私人市場……大家可唔可以分享吓你喺你個行30歲大概係點？
網民A：做緊工程，得$3萬人工。
網民B：IT行業，30歲大約有$6.9萬，然後再加2.5個月bonus！
網民C：IT programmer，有$3萬人工，不過而家失業半年……
網民D：做物管，得$2.7萬。
網民E：政府嘅EO做8年未到頂薪。當升咗去EO1先會係$6萬開始，去到$8萬就頂。如果要上到六位數應該得AO先得，仲要你有機會升到先有。其他政府工要有$5萬至$6萬起薪嘅話至少都要有Master，甚至要PHD學歷，但讀完已經跳少咗幾年point。
網民F：其實香港人真係好鍾意同差唔多年紀嘅人比較職業同人工，即係你搵得多就你叻啲，搵得少過當年班同學就會唔開心，咁做人其實好難開心。
網民G：而家35歲，12年工作經驗，做緊文職工，得$1.8萬……
網民H：做地產嘅話月薪有機會去到幾十萬一個月嘅；地盤工就千幾到幾千一日不等；廚房$2萬以上應該肯定有；銷售如果上到位，同keep住有穩定客源，每個月人工應該至少$3萬、$4萬以上。
網民I：30歲又點？當你60歲退休，都仲有30年嘢要做。
網民J：30歲嗰陣做緊Big4，年薪大約有$80萬左右，但有時要做到凌晨3、4點先收得工，然後第二日朝8點再嚟過。神奇嘅係，做落個人係覺得好充實，唔做之後先發覺人生活慢啲都唔錯！
網民K：都係做IT工，不過係做網絡安全，人工有$6.2萬。
延伸閱讀：【人生規劃】30歲係人生分水嶺？ 網民：40歲先係，30係黃金搏殺期
帖文一出，不少網民都紛紛分享自己的事例。當中薪金較高的網民大多都從事資訊科技（IT）行業，其薪金基於職位而有所變動，大約落在$3萬至$6.9萬不等，由於市場對IT人才求才若渴，故此不難發現IT職位的薪金都較高；其次最多人談及的工程職位，其薪金大約只有$1.5萬左右，較政府表示的港人月入中位數較低。
有部分網民指出，事主不應該刻意與其他人比較，更斥責港人喜歡比較自己與他人的職位及薪酬實屬病態，正因為有這個習慣，才會令港人幸福感下降，難以感到喜悅，並表示人生亦有其他意義及價值，因此網民都鼓勵其他人開拓眼界，不要再專注於金錢的部分。
延伸閲讀：【薪酬待遇丨職涯規劃】30歲難以突破月薪3萬？應該搵幾錢先係標準？事主：覺得自己高不成低不就
按圖即看8件成功人士在30歲不會做的事：
延伸閲讀：【三十而立】人到中年朋友似頭髮？越老越少、越見越少……慨嘆社交活動利益行先
按圖即看踏入30歲對人生6個的感悟：
延伸閲讀：【三十而立】30歲返工心態唔同晒？事主：做嘢搏命嘅人真係做壞規矩！
最新專訪片︰
【星級斜槓族】Tsoul田曜誠無懼現實殘酷 任旁人嘲諷仍堅持追逐跳舞夢 冀能成為有影響力的人
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!