【行業辛酸】網民大數最辛苦嘅Part Time 呢份工做到收工行路無力?

【行業辛酸】網民大數最辛苦嘅Part Time 呢份工做到收工行路無力?

上班是因為責任,還是愛?是因為窮啊!這個時勢,想找一份工作不容易,為了維持生計,不少人都會選擇先做Part time,豈料到與想像中大有出入?

最近網民就在分享自己人生中最辛苦的Part time,各行各業都有被提及,不單止身體,就連心理上都覺得疲憊不已。有人說「可一,不可再」、「終於明白咩係搵食艱難,亦有網民說:「返過Part Time之後,更俾心機讀書。」

即睇網民分享(按圖了解):

網民A/ 試過Part Time過一日送水,無用汽水車,第一轉要送8支水,送完已經手軟,師兄見我咁,叫我第二轉送少兩支。勉強頂到午飯時間,飲例湯嗰陣,連匙羹都拎唔起,要壓低個頭飲。頂埋個下奏差啲唔掂,最後返咗一日就唔做,好敬佩佢哋。

網民B/ 有次返有間酒店中菜炒散,要搬嘅嘢重到拎唔起,身邉啲人唔幫手,連門都唔會幫手開,返13個鐘,就只有15分鐘食飯,全場得我一個炒散,做到我就嚟死,仲成日俾人問候。
網民C/ 做過麵包店兼職之後,就決心要努力讀書,呢家讀完Master,做緊寫字樓,好爽

網民D/ 本身返時裝店由4點返到11點,結果要OT到12點幾,仲要食飯時間都無。尤其啲客試完鞋又唔識掛番上去架,要踎低一對一對咁執。返過呢份發覺原來其他兼職可以咁輕鬆。
網民E/ 做過物流公司,幾個鐘內不停搬嘢,每件貨至少20kg,一分鐘都無得抖。

網民F/ 以前中學暑假,返過一間台式飲品加雪糕店,全日得我一個人開工,無飯鐘,一邊食飯一邊開工。清潔、整配料、雪糕同嘢飲都係我做哂。冷氣壞、渠又壞,成日都會爆啲水出嚟,好彩間舖已經執咗

網民G/ 我試過返酒樓酒席炒散,做一日已經累到連行路都無力。
網民H/ 返大排檔嗰陣又熱又無得坐,有次唔小心掂到個鍋邊,反射神經搞到個鍋跌咗,辣到隻手起哂水泡,18歲就無咗隻白滑嘅手。
網民I/ 試過番補習社,對住7-8個小朋友,要幫佢哋對功課同默書,嘈之餘仲唔受控制,老闆又係咁鬧啲小朋友,搞到心理好累。

網民J/ 讀書做過玻璃回收,朝早6點鐘要報到,要不停摷酒吧嘅垃圾袋,袋裡面有廚餘,又有嘔吐物,要戴幾層手套,因為怕整親手。但到中後期,啲垃圾沖滲入手套,成隻手濕哂,返到屋企沖咗好耐涼,都仲有陣味。

延伸閱讀:【行業辛酸】IT同事放大假 上司不允許電郵設自動回覆︰要24小時支援

 

除了體力勞動之外,還有網民分享在工作的時候,遇到不禮貌的客人,搞到精神壓力好大,其他網民都身同感受,明白每一行的辛苦之處是什麼,對繼續堅持嘅打工仔表示敬佩。

趁住Sem Break,不少大學生都會考慮成為實習生賺取經驗,或者是做兼職賺錢,在決定之前,要好好考慮清楚自己的狀況,才能做出對自己最好的選擇!

 

延伸閱讀:【政府工略】做環境保護署辦公室主管 時薪$192

延伸閱讀:【職場熱話】6點起身返工 回家食完飯12點瞓 打工仔感生活重複:香港係咪都係咁?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】如果突然發咗達 仲會唔會返工?網民:我會買起老闆間公司

  • 【職場熱話】打工仔怨公司無野心浪費青春 網民:咁你又幫佢打工⋯

  • 【網絡熱話】後悔太盡力返工?打工仔奉勸後生仔︰出8成力乜都夠!

  • 【職場理財】打工仔為慳錢日日計住時薪食Lunch 網民:不如帶飯算啦

  • 【職場熱話】扶阿婆過馬路、隻貓阻住出門口?盤點最搞笑的遲到理由

  • 【職場熱話】22歲打工仔欠債20萬 學歷低打份牛工 大呻:好後悔賭錢

  • 【家庭關係】老公不斷借錢畀前上司 老婆控訴:永遠只會幫人唔理屋企

  • 【網絡熱話】朋友公司請咗大學同學出哂事? 網民:趁早炒咗佢啦!

  • 【職場文化】讀書幾叻都好 踏上職場原來兩回事? 網民:返工後先發現自己真係好廢…

  • 【職場熱話】老闆白事都要去做工作人員 打工仔擔憂:遲啲可能要做埋破地獄!

刊登招聘廣告