Next
【薪酬待遇】打工仔加人工 竟然只加得OOO？事主大怒：加完等於無加過咁濟！
【薪酬待遇】打工仔加人工 竟然只加得OOO？事主大怒：加完等於無加過咁濟！
2024-06-13
打工仔每日夢想升職加薪，即使未能晉升，但都冀望公司調整薪酬，感覺自己遭到公司肯定及重視，並提升自己生活水平。不過，若然打工仔眼見加薪幅度不如預期，大家又會有何反應？近日，有網民於連登討論區發文，指受到公司通知才發現自己獲得加薪，但薪金只增加了數百元，令到事主感到毫無尊嚴，大斥「加完等於無加過咁濟」。
延伸閱讀：【2024更新｜辭職學問｜辭職攻略】打工仔辭職必做10件事！即睇辭職Checklist （內附辭職信範本）
按圖了解網民回應：
事主：公司加人工，但加得個$300……公司唔通知真係完全無留意。加完好似無加過咁，突然間覺得自己仲慘過做奴工，仲做落去真係覺得自己無晒尊嚴……
網民A：仲諗？辭職啦！
網民B：加$300算多啦！
網民C：啲HR成日話人jumpy，1年加得幾百蚊點樣唔jumpy呀！
網民D：加$300都叫加過呀，我今年完全無加過人工……
網民E：老細：「後生仔捱多啲，每次加你$300，捱多幾年夠我買架林寶㗎啦。」認真，想發達一定要自己創業，除非你想做打工皇帝。
網民F：我當年第1次出嚟做嘢，只係加咗$90人工……
網民G：早2年份工試過月薪加$7……欣賞老闆可以咁唔要面！
網民H：有同事因為公司加佢$50人工，佢嬲到即時resign。
網民I：你本身人工幾多先，$300都要對比吓先知係咪合理。
網民J：我都加咗$300，嬲到即刻resign搵新工。而家份新工比原本高咗$5k！
網民K：你諗吓，每次轉工輕則加2%，重則加成30%，公司剩係加得幾百蚊，真係好難唔jumpy，轉一次工都多過加人工筆錢……
延伸閱讀：【職場兩性】男友呻工作不快 女友唔識點回應 網民教三大招數！
對於事主的分享，不少網民都感到同情，指出公司的加薪是基於對員工一整年的業績及努力的肯定，倘若加薪幅度較低，只會打擊員工士氣，並增加他們離職的意欲，對公司長遠發展弊多於利。
有部分網民分享，自己曾獲加薪雙位數及單位數的金額，因覺自己遭到老闆侮辱，繼而氣憤離職，而新工作的薪酬則加至理想的薪金水平。因此，他們認為打工仔轉工只是為追求合理的薪酬待遇，指責大部分人力資源從業員不應批評員工「Jumpy」的行為。
延伸閲讀：【轉工跳槽】見工要求加10%人工！竟被HR用1句KO？網民：係我直接走人！
按圖即看「跳槽」市價：
延伸閲讀：【求職面試】見工被問「點解轉工」 打工仔兩個字KO HR！事後居然淆底？
按圖即看10個加薪貼士：
延伸閲讀：【面試攻略】見工被問上一份工離職原因 6大模範答案得HR歡心
最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!