Next
【職場熱話】22歲打工仔欠債20萬 學歷低打份牛工 大呻：好後悔賭錢
【職場熱話】22歲打工仔欠債20萬 學歷低打份牛工 大呻：好後悔賭錢
2022-03-25
正所謂「沉迷賭博倒錢落海」，雖然大家自小聽過這句說話，但有些人仍敵不過心癮，花光畢生積蓄，甚至借錢度日。最近有一名聲稱22歲的網民在討論區發文，他指自己少不更事，讀書時期不但碌爆信用卡，又學人去賭錢，引致現在欠債20萬。他大部分的人工都用來還債，坦言十分後悔。
延伸閱讀：【兩性關係】男友家人鼓勵辭職拎綜援 女因一個原因由想由抗拒變支持？
點解年紀輕輕會欠債20萬？（按圖了解）
打工仔：「我今年22歲，得DSE學歷，打緊一份14,000蚊嘅寫字樓工。之前讀書嗰陣碌爆信用卡，又學人去賭錢，結果借錢筆數好似滾雪球咁。而家仲差20萬未還，每個月要拎一萬蚊還錢，佔咗份糧7成有多。份工無前途可言，返朝九晚六，每星期仲要返5.5日。而家淨係想搵多啲錢，快啲過咗呢段艱難時期，還埋啲錢佢。我當初quit咗大學無讀，又未搵到有咩特別喜好想發展，唔知之後條路要點行。唔想未來好似而家咁，每日如是得過且過，望返轉頭，好後悔倒錢落海。我應該讀返書，抑或搵門手藝學呢？」
網民意見：
網民A：讀返書就基本啦，最好揀專科讀，有一技之長，有咩事移民都方便啲。
網民B：搵萬四還一萬，你仲有閒錢做其他嘢咩？keep住低開支做運動，保持心理健康緊要啲。
網民C：你讀書唔多，唯一出路係去做地盤。做地盤唔睇學歷，有錢幫你還債又有得學門手藝，其實幾適合你。
網民D：你有心還錢係明智選擇，2年時間唔長，捱埋佢之後再讀返書吧，記得之後唔好再欠債！
網民E：去做sales啦，連埋commission可以搵到萬七以上，還哂錢再算。
網民F：樓主已經好好，小弟大學畢業，份工月薪都係得萬三……
網民G：你同屋企人關係點？如果關係好，就認衰仔問佢哋借一筆還哂佢，跟住儲錢報High Dip讀啦。
網民H：我同你情況差唔多，完全體驗唔到人生樂趣係邊……共勉之。
說到底，大家在消費的時候，最緊要堅守量入為出的原則。千萬不要因為一時的貪念而花光積蓄，甚至先使未來錢，令日後生活失去保障。美國理財暢銷書《有錢人想的和你不一樣 》中提到，打工仔可將收入分為六個罐子，既能防止衝動購物，亦可提高儲錢效率。
按圖了解「六個罐子理財法」：
延伸閱讀：【進修轉行】30歲老婆想轉行做護士？老公︰而家先嚟讀書好貴
延伸閱讀：【網絡熱話】豪宅住戶出價$800請大學生清潔+私補+教琴 網民：你係無知定刻薄？
延伸閱讀：【職場文化】返工最多可以接受OT幾多個鐘？打工仔︰準時收工啦！
To read the full story, please login.
Login
Not a CTgoodjobs member?
Register now
Look out for further updates on our Facebook fan page!
Follow CTgoodjobs for the latest career news, hot topics and recommended jobs!