【職場熱話】餐廳入面有地盤佬就唔想入去食飯? 即被網民炮轟:乜嘢職業都要食飯!

【職場熱話】餐廳入面有地盤佬就唔想入去食飯? 即被網民炮轟:乜嘢職業都要食飯!

打工仔放飯時,喜歡選擇甚麼餐廳?方便快捷、又平又怟,還是寧靜高貴,費用相當地享受?大家多數都只會考慮價錢、食物質素、時間快慢問題,但竟然有人會考慮在餐廳中用餐的有甚麼人……

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

有網民在社交平台專頁「扮工室Online」上發文分享,提出:「有冇人平時食lunch,如果見到間餐廳入面有地盤佬、裝修佬就會唔入個去食?」

結果惹來大家熱烈討論,網民群起炮轟事主,指提出此問題是否歧視和嫌棄地盤工人,實在非常失禮且欠尊重!

 

即睇網民回應:﹙按圖了解﹚

網民:「有位一定會入去食添啦,地盤大佬去得嘅,一定服務夠直接又親切,食物又唔會差嘅餐廳,佢哋辛苦做嘢,食嘢特別有少少要求,同埋以前做過餐廳,佢哋最識做,唔會阻住人做生意又唔會要求呢樣嗰樣,食完走人。」

網民:「呢個問題,真係好有問題。」

網民:「我做飲食業,我見到地盤佬就算粗聲粗氣,我都會特別好招呼,因為粗聲粗氣唔代表佢無禮貌,佢哋平時工作環境好嘈慣咗大聲,無佢哋嘅話,你依家可能瞓街,我反而見到歧視地盤佬嘅客,我會對佢特別差!」

網民:「以前我做售貨員,最好的客人就是地盤佬,永不講價買嘢快靚正,相反那些睇佢斯斯文文的人,麻煩多多又要講價,有時攪一輪又話唔買!我相信樓主係第二類的人!」

網民:「仲有地盤佬唔會麻麻煩煩,佢叫嗰樣我哋無,佢諗都唔洗諗就會食第二樣,唔似有啲西裝友,無呢樣又黑晒面,又呢又路搞一輪先落到單。」

網民:「無佢哋嘅話,樓主你可以瞓街喇!」

網民:「我哋當然唔可以歧視別人的工種,大家都係人,佢哋都好辛苦為香港人服務,每日係咁猛烈的陽光下工作,我都好佩服他們的堅毅。能夠係中午時段嘆一陣冷氣、吃一頓豐富的午餐,已經心滿意足,所以我一直都好尊敬他們。每當我係冷氣房工作時,諗起外面工作的人,我就好唔舒服,佢哋為糊口為養家,日曬雨淋都要繼續工作,佩服!」

網民:「隨時佢哋人工多過你幾皮,尊重吓人!」

網民:「乜嘢職業都要食飯㗎啦,又唔係偷又唔係搶,我覺得無問題,係尊重同平等!」

網民:「對唔住。我喺地盤工友,可唔可以發送我清晰照片,等我畀我班工友,如果見到你食緊嘢,我哋盡可能唔入去,無謂搞到你食得唔舒服或中途埋單走。我哋一路帶畀你唔好嘅形象,我深感抱歉。」

網民:「任何職業都需要尊重。」

網民:「有佢哋班叔叔喺度食先開心!夠隨便、唔拘謹,聽佢哋吹水好多笑料!」

網民:「地盤工人其實個個都心地好好,我發覺佢哋見到小朋友嘅時候,係真心內心咁笑出嚟。」

網民:「如果嗰個地盤工人係你老豆,倒垃圾嗰個係你阿媽,你會唔會睇小佢哋?無學識嘅人都識咩叫尊重,但你無!真係無都唔知你屋企人點敎你。」

 

尊重與平等
事主提出的問題,其實真的很失禮,正如網民所說,所有職業都有食飯的權利,任何職業都需要尊重。網民更紛紛大讚地盤工友的優點,例如:「以前做過餐廳,佢哋最識做,唔會阻住人做生意又唔會要求呢樣嗰樣,食完走人。」、「最好的客人就是地盤佬,永不講價買嘢快靚正,相反那些睇佢斯斯文文的人,麻煩多多又要講價,有時攪一輪又話唔買!」

更有網民指,地盤工友挑的餐廳一定又平又好食,所以完全不會介意他們在場,反而是一個怟食指標,亦有網民指:「有佢哋班叔叔喺度食先開心!夠隨便、唔拘謹,聽佢哋吹水好多笑料!」

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【薪金比較】女朋友人工高過自己會唔會好自卑? 網民:錢唔係衡量人嘅標準

  • 【職場熱話】勞力工定office工辛苦啲? PR:坐office都好唔輕鬆…

  • 【職場熱話】每日臨瞓都會諗 好唔想聽日返工 網民:呢個狀態已經維持咗十年…

  • 【返工血淚史】上司惡頂流失率高 網民:老闆覺得份糧包埋

  • 【職場熱話】返工全男班、朋友個個做爸爸 單身打工仔:30歲仲係A0係咪好有問題?

  • 【職場熱話】零售業返工好危險? 售貨員:爬上三米高貨架拎貨 好似攀石咁…

  • 【職場熱話】title定係人工重要啲?網民:細公司做Director都無人覺得你勁

  • 【職場熱話】女同事去廁所去勁耐 公司頒佈政策:去廁所要打卡!

  • 【職場熱話】MIRROR係男顏禍水?買唔到教主雜誌拍枱喊 網民:辦公室風雲咁⋯

  • 【職場熱話】上司唔畀員工OT補假 自己做活動超時就一定拎time off!

刊登招聘廣告