【職場熱話】準時返工就係好員工 遲到=工作表現唔好?網民:彈性上班一定係最好!

【職場熱話】準時返工就係好員工 遲到=工作表現唔好?網民:彈性上班一定係最好!

不少公司都會要求員工準時上班,更會以準時上班作為基準,判斷員工的工作表現。不過,普偏公司都理解員工在上班途中,或許會遇到突發事故,所以都會默許員工可以稍微遲到。

近日,有網民於連登討論區發文,指自己不理解為何現今世代,仍有不少公司保持着準時上班等於好員工的守舊觀念,直言每個人都有自己工作的黃金時段,而而員工的好壞,應與其能力有所掛勾。

延伸閱讀:【職場熱話】同事做唔晒啲嘢 又早去食飯同準時放工 網民:唔通要OT先正常?

按圖了解事主及網民回應:

事主:今朝返工嗰陣,個admin問我做咩遲到。我心諗,OT嗰陣又唔見你問我做咩咁忙要OT?明明每個人有自己嘅工作黃金時段,點解要逼所有人要準時返工?好多同事即使準時返工,都會hea吓先開始做嘢,同我遲到但即刻做嘢係無分別……真係唔明點解早到公司就等於好員工、有好工作表現?

網民A:點解你唔搵份可以彈性上班嘅工?

網民B:通常有彈性嘅公司,員工嘅生產力都唔會差得去邊!

網民C:返工哲學:準時返工,準時收工!

網民D:其實個admin應該無預你認真答,大家都係交個戲,樓主做多幾年嘢就會明㗎啦。

網民E:我所有工都係會揀彈性上班嘅工,同樣樓主一樣理解唔到準時返工嘅必要性喺邊?如果你話純粹為服從合約精神嘅話,我尊重你!

網民F:返工需唔需要準時,真係好睇做邊一行,有啲行業只要有同事唔係準時返工,隨時拖累全部人工作進度。

網民G:如果一間公司所有同事每個人嘅工作時數唔一樣,點樣可以有效率交接工作?樓主真係識諗自己,完全無任何teamwork可言。

網民H:我公司team head會批准班下屬彈性返工放工,如果太過份先會講兩聲提醒吓佢哋。就係因為咁,有時要趕deadline或者太多嘢做,班下屬都會自發性留喺公司OT。相反,隔籬team head硬性規定所有人都要準時9點正返工,所以班下屬就只會準時5點走。

網民I:好睇你份工使唔使同其他同事夾。公司有同事成日遲大半個鐘先返,有時想問佢負責嘅job問唔到,其實係阻住其他人做嘢。如果唔使嘅話,我都覺無咩所謂,做得晒啲嘢就可以。

網民J:平時搭巴士、地鐵,啲班次遲少少都已經有人嘈,巴士公司可唔可以因為個司機未瞓夠所以班車要遲開?同理,你搵人裝修,個師傅日日都要話12點先起身做嘢,令到成個工程延期,你係咪都接受?個個人都享受緊其他人盡責嘅成果,但樓主居然想獨善其身……

網民K:如果份工係可以準時收工嘅話,我都會準時返工。但如果成日要OT嘅話,唔好因為遲幾分鐘就不斷嘈點解唔可以準時返工!

延伸閱讀:【職場熱話】中老年人特別鍾意返工?網民:喺屋企被無視 要返工覓存在感

帖文一出,旋即引起網民熱烈討論。不少網民認同樓主的看法,認為只要員工能夠按時工作、出席會議、不會影響其他同事工作進度,以及能夠為公司帶來業績,一般公司都不太理會員工是否準時上班的問題。有部分網民指出,不少公司只要求員工準時上班,卻漠視員工超時工作,因此網民認為,若然公司要求員工需準時上班,公司亦需允許員工準時下班,這樣才對雙方公平。

不過,有部分網民指出公司設立上班時間,是為了統一員工的工作時數,讓所有員工都能在一定時間內互相合作,以免影響其他同事的工作效率。而且,準時是個人基本的美德及責任,同時是一種能力的展現,不應將公司默許遲到的行為,而把遲到合理化。

延伸閲讀:【返工血淚史】住大埔返南區 每日交通時間3個鐘 一個月整整花2.5日喺搭車上!

按圖即看哪3種人格特質造成「習慣性遲到者」:

延伸閲讀:【職場熱話】新同事返工第二日遲到4個鐘!仲話遲到好過冇到!算唔算有責任感?

按圖即看網民一人一個改善屯公塞車的創意方法:

延伸閲讀:【職場文化】同事勁早返到公司 打工仔嘆︰使唔使咁乖?


最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【2024頂級顧問公司排名】2024年頭10間顧問公司排名出爐!Bain & Company榮登首位 第2名係BCG!

  • 【打工仔被炒】請病假去見工被公司發現!HR批打工仔無誠信決定即時解僱 網民:你下次都係請AL去見工啦!

  • 【極品上司好難頂!】上司經常送禮請食飯然後勞役員工 同事差啲無埋條命同婚姻 網民:做人最緊要有底線 唔好公司叫你做咩就做咩!

  • 【職辭照被鬧】打工仔已辭職 事後仍遭到上司大鬧特鬧!事主:更加確定當初遞信係無遞錯到!

  • 【返工VS.讀書】細個想返工 出嚟做嘢先發現讀書嘅美好 事主慨嘆:成日以為讀書辛苦,其實根本就係呃自己

  • 【面試奇怪事】見見吓工 HR突然要求求職者展示歌喉!事主大嘆:我又唔係要做歌手 叫我唱歌係咩事……

  • 【無良老闆】返工突然暈低發現身患大病 公司以經濟不景為由不再續約!網民:你返得合約工就預咗㗎啦

  • 【拖欠薪金】返兼職1個月 份糧竟出少咗三分之二!網民:直接搵勞工處備案!

  • 【打工真係好大壓力!|壓力大徵狀】一人一個返工壓力大徵狀!晚晚失眠、極不願意入公司門口、電話一響就焦慮……

  • 【扮工扮出禍|WFH|銀行熱話】銀行員工扮工扮出禍?美富國銀行突炒10多名員工 因為用咗OOO神器!一文睇清僱主可以點樣有效防止員工「扮工」

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow