【職場熱話】打工仔嘆加班永遠無補水 網民:加班費係低級員工福利

【職場熱話】打工仔嘆加班永遠無補水 網民:加班費係低級員工福利

許多打工仔面對大量工作,工作猶如永無止境,放工時間已過仍要繼續忙碌。近日有網民在香港討論區發帖,表示不少同事離職,每位員工的工作量激增,常要加班2小時以上,但公司從來不給予加班費。各位打工仔加班又有沒有薪酬或者相關補償?

延伸閱讀︰【職場熱話】同事習慣加班 打工仔分享:用5年時間改掉公司OT文化

 

按圖了解事主、網民分享:

事主:「你哋公司OT有冇錢?我而家呢間公司無論OT到幾點都冇補水。近排公司多咗好多嘢做,加上多咗人走,變相每日朝9晚6根本做唔晒啲嘢。但係上司覺得係我哋能力問題,話有能力嘅話,6點前一定交到!

所以如果6點交唔到,都要我哋OT到完成為止。搞到好多同事要一齊OT……其實我覺得加班15分鐘唔係問題,但當你每日OT 2至3個鐘,又冇錢、又餓、又攰,真係好氣餒!呢排我想轉工搵過第二份工,而家出面係咪好多公司加班都冇錢?」

網民A:我畢業到而家都有OT錢。前排同另一個同事講,佢話低級員工先有OT錢,證明我從來冇進步過……

網民B:我公司以前加班會有補假,計返1.5倍時間畀我。而家轉咗新老闆唔使OT,做唔晒留聽日。

網民C:低級職位睇工種,有啲會肯畀錢!高級嘅9成都唔冇。

網民D:以前做family office日日要你無償加班,2個鐘係基本,我做咗3個月即刻唔做。

網民E:我新公司係有OT錢,但要寫OT原因,上頭批先有錢,所以同事通常唔OT。以前舊公司都有錢,但得$45/小時。同事OT多咗,個老闆覺得啲人呃錢。佢講完之後就唔再幫佢OT。

網民F:好多公司都無,見員工忠誠,公司就當你哋係奴隸咁使。    

網民G:我公司都有OT錢,不過我哋一向默認為低級員工嘅福利,因為老闆覺得中高層有下屬同佢分擔,搞唔掂係佢哋自己問題。

網民H:日薪工加班仲係有錢,月薪工基本都係加班無錢!仲要啲老闆要加班,你唔加就好似罪大惡極咁!

留言區網民分享不少僱主視加班為職責範圍,所以一向不會提供加班補償。亦有人透露自己公司有補償制度,不過多數只限低級員工享有,「以前舊公司都有錢,但得$45/小時」、「我公司以前加班補假,計返1.5倍時間畀我」、「我畢業到而家都有OT錢。前排同另一個同事講,佢話低級員工先有OT錢。」

《僱傭條例》並無列明公司超時工作必須「補水」,因此老闆或上司要求員工免費加班,亦不算犯法。事主公司明顯人手不足狀態,如果工作環境持續不變,事主工作壓力只會有增無減。恆常性加班會消耗員工體力和精神,持續下去更有可能陷入過勞,因此判斷公司未能改善現狀後,選擇離開或許是一個合理的決定。

延伸閱讀︰【職場熱話】同事為好嚟好去 Last day病住都加班 網民:唔值得

【職場女性】在職媽媽見工被HR查家宅 追問2條問題毫不尊重求職者!

延伸閱讀︰【職場英語】返工攰到成隻狗咁!除咗「Tired」 仲有呢5種表達方式

【睡眠不足】每日只瞓4個鐘 發現記性同反應差咗好多……網民:Lunch time補眠會醒神啲!


最新專訪片︰

【CEOTalks】肯定員工努力 願意堅持終能獲得成功 譚仔國際行政總裁劉達民:中途放棄的話 永遠未能欣賞山頂的風景

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【酷熱天氣】打工仔返工熱到發脾氣?近8成人曾因高溫想射波!員工喺夏天最想要咩福利?

  • 【職場調查2024】近9成人曾遇無良老闆!最常見壓榨行為係?僅36%人受委屈立即辭職!

  • 【員工福利】近8成打工仔難清AL!全因2大障礙?Y世代鍾意瞞住老闆「安靜休假」?

  • 【職場趨勢】4天工作只是夢?企業冇人性?近1成公司欲於2025年實施6天工作周!

  • 【員工福利】無限休假、花紅同4天工作周 你會揀邊樣?盤點3大留才措施特點!

  • 【職場趨勢】「最低限度星期一」(Bare Minimum Mondays)有助克服星期日恐懼?Z世代偏好幸福工作文化!

  • 【職場熱話】公司有特殊請假規矩 網民:好唔人性化……

  • 【旅行大計】通關後同事陸續請假去旅行 自己卻因年資不足而被拒絕申請?!

  • 【語文系出路│Jupas選科】5個適合外語系畢業生嘅職業 呢份工起薪點逾3萬!

  • 【2024年職業前景】大學生注意!呢5個職業前景最好 ESG策略師月薪可達10萬?

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow