【職場熱話】打工仔呻五天半工作制無個人時間 網民:真正社畜嘅生活

【職場熱話】打工仔呻五天半工作制無個人時間 網民:真正社畜嘅生活

在選擇一份工作的時候,各個求職者都會有不同的考量因素,好像工作的地點、薪金及福利等等,其中一個很多人重視的因素,就是工作屬於五天還是五天半工作制。雖然字面上,五天工作制與五天半工作制只差一個「半」字,但實情他們之間有著巨大的差異。

有網民在討論區指自己現在的工作是屬於五天半工作制,他認為那「半天」令他幾乎沒有個人時間,不少網民都表示同情。

點擊了解更多事主經過:

1/我返咗呢份工兩個月,月薪20k,人工係幾唔錯,但要返五天半。

2/個人覺得五天半同六天工作制真係無分別,就連星期五想約朋友出去玩吓都唔得,因為星期六要返工。

3/一定有人話星期六係返去Hea,但有時星期六都要OT到兩、三點,咁又無咗一日,

4/真係喺度勸大家,返五天半工作制嘅工之前要好好諗清楚。
 

網民回應:
A/嗰半日就算返去係Hea都好,但公司浪費咗我成日時間都係事實

B/真係啊,約朋友星期六去迪士尼都唔得

C/真係同六日無分別,只有一日可以休息,好似無休息過咁,有得揀一定係五天工作制

D/做社工都係五天半工作制

E/返咗五天半或者六天工作制嘅工之後,發現變咗返工奴隸,人生就係為咗返工而活,除開瞓覺、返工嘅時間,根本無時間畀自己,心諗不如唔好做人算(利申:辭咗工,三個月就頂唔順,人生唔係得錢同返工)

F/返五天工作制嘅工,真係返得好舒服,有時拎假會拎星期三或者五,真係返唔到轉頭

G/吓?五天半工作制都得20k,畀多3k我都唔做

H/五天半工作制20k真係低得離譜,一邊做一邊搵過第二份啦

I/五天半返咗一個月,我已經行屍走肉,你頂到兩個月已經好勁

J/多謝你嘅分享,咁啱我搵工搵到好絕望,差啲Accept咗一份六天工作制嘅offer

K/我同你情況差唔多,朋友約星期五食飯,有下一場嘅時候,都會Blame自己次次都掃佢哋興

L/我都返咗一個月嘅五天半工作制嘅工,已經打算辭職

 

私人時間 vs 理想薪金
選擇五天還是五天半工作制的工作,要視乎你想擁有更多的私人時間,還是理想的薪金。同時,亦要留意自己的身體是否適合五天半工作制,如果你的身體無法應付,就要考慮應否繼續以這種模式上班,始終你的身體健康比甚麼都重要。

現在的工作適合自己嗎?參考以下9個特點!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】自覺生活圍繞舊公司 無咗自己失方向 網民:畀多啲自由時間自己

  • 【圓規襲港】天文台預料發出八號熱帶氣旋警告信號 打工仔係咪可以即刻走?

  • 【職場熱話】辦公室內設吸煙房 打工仔煩惱應唔應該報串

  • 【職場熱話】餐廳入面有地盤佬就唔想入去食飯? 即被網民炮轟:乜嘢職業都要食飯!

  • 【職場熱話】公司留唔到人延通知期 網民:見工都掉頭走

  • 【薪金比較】女朋友人工高過自己會唔會好自卑? 網民:錢唔係衡量人嘅標準

  • 【職場熱話】一人一個公司最落後嘅設施 網民:冇水機、滑鼠仲有粒珠喺入面…

  • 【職場熱話】工作失去人生自由 日子無限loop 打工仔:感慨完就繼續做嘢啦

  • 【見工面試】通知落選者只是人情?研究:不通知或損公司形象

  • 【職場文化】不想升職成全球趨勢 薪金責任需平衡

刊登招聘廣告