【職場熱話】打工仔一份月薪身兼三職 網民：人工幾多做幾多！

身為打工仔，最怕就是得罪同事、上司，因而為自己帶來不必要的麻煩。為了避免這種情況發生，當我們被要求完成某些任務的時候，多數都會照單全收。不過若果你被要求兼顧三個崗位的工作，你又會否拒絕？在網上討論區Dcard有打工仔指自己被要求兼任三職，因此感到不知所措，網民紛紛回應：「人工幾多做幾多！」

點圖了解更多事主經歷：

+14

+13

延伸閱讀：【求職招聘】有CV就唔使求職信？即睇範例於cover letter中展現自己實力！
延伸閱讀：【職場熱話】辭職後反而仲開心？網民：有時間增值自己好充實

事主分享：「最近去咗新公司返工，帶我嘅人好快就離職，佢教我要做嘅嘢超級多又難，我一個人要兼任做秘書、保安，仲要做埋業務助理搞吓行銷嘅嘢，但我就拎一份人工。要做嘅嘢好多，我已經好畀心機寫notes，但啲嘢始終都記唔熟，仲係會做錯嘢，每日返工都做到隻狗咁，好大壓力。因為面試官話有3個月試用期考核，好怕連試用期都過唔到，因為好多嘢唔熟會做錯，又無人可以問，加上我哋部門流失率好高，我一入公司呢個部門嘅人都走得七七八八，只係得返一個做咗兩年嘅前輩，我真係唔知點算好。」

網民回應：

A/請問人工有幾多？拎幾多人工，做幾多嘢

B/你仲唔搵過第二份，快啲走？

C/兼任做秘書同保安，到底係咩奇怪嘅概念？

D/我覺得你部門啲人都走晒，唔需要擔心自己過唔到試用期，但仲要做埋保安係想點？

E/你可以試吓做得好差，等佢哋炒咗你，畀遣散費你，再拎筆錢去搵過份正常少少嘅工

F/保安即係要坐喺門口？好慘喎

G/吓？當我知道只係拎一份人工，要兼任好多唔同職位嘅工作，我應該會辭職

H/放心啦，你哋流失率咁高，佢驚你唔做咋，但你鍾唔鍾意呢間公司先？

I/呢種公司聽落就覺得唔對路

J/往好嗰方面諗，如果連做咗兩年嗰個前輩都走埋，你就係最資深嘅，應該好快有得升。

面試前問清職位內容
讓員工兼任三個不同職位，只拿一份工資的公司，固然是不正常的公司。但在這件事上面，事主也有一定的責任，皆因在正式上班前，他並沒有問清楚工作的內容，再與公司簽約。面試其實是一個很好的機會，讓你摸清公司的底細，從中了解工作環境的氣氛、員工的敬業度等等。與其發現自己「中伏」才急忙辭職，不如在面試、入職前，了解公司的真面目再作決定。

如何能夠在面試的時候，辨識「伏工」？可以參考以下5條問題。（點圖了解更多）

+15

+14

延伸閱讀：【轉工跳槽】放工秒速跑走、偷打電話、經常請假……10個舉動洩露同事準備離職
延伸閱讀：【辭職學問】辭職前想好這7件事 減低令自己後悔的機會

⏩⏩  需要請人？立即刊登招聘廣告！  ⏪⏪