【職場熱話】宗教團體工作是非仲多? 過來人分享經驗

【職場熱話】宗教團體工作是非仲多? 過來人分享經驗

世事並無完美,當薪高糧準,但工作可能要日日OT,所以要找到喜歡的工作並不易。近日有網民於Facebook群組「奴工處」投稿指,如果份工壓力好大,人事方面又好差的話,祼辭都要走,健康係換唔返。不少網民感同身受,更指曾試過做到焦慮爆發。

事源於數月前,事主在教堂擔任文職幹事,突然收到通知,因品格問題而被炒。事主一頭霧水,追查下發現兩位上司向師母講大話,「老作」事主背住教會搵工,事主頓覺委屈,「我唔明點解教會入邊都可以作假見證陷害人」。

不過,事件並未能平息。事主希望當事人向全部工作人員當面講清楚,並且公開道歉。但師母卻表示「冇可能」,「佢哋咁要面,冇理由要人哋道歉。你都唔好將呢件事話畀任何人知,我都會考驗你,係咪一個合格嘅基督徒」。

事主反被投閒置散 做成更大心理陰影
事後事主遭兩位上司黑面對待,更被投閒置散,「佢哋停咗好多我本身嘅工作,其中有一次我被分配工作去幫師母打字,係打一本書,而且被告知要幾日內完成,咁我就日日OT到好夜,盡力做希望可以準時交畀師母,但之後師母同我講,其實呢份唔係重要文件,只係見你得閒咪畀你做」。其後更要做清潔消毒,打掃全個教堂及掃外圍樹葉。

整件事對事主有很大陰影,「我離職後,亦有好多閒言閒語,指我搵咗份靚工先離職,真係極度唔開心。而呢件事亦對我造成好大陰影,我仲試過發惡夢見到上司狂鬧我」。幸好現時事主投入新工作,走出陰霾,「我用咗四個幾月先行出陰影,因為精神傷害比身體傷害更加嚴重。千祈唔好忍到自己有焦慮症情緒病,走得就好,搵唔到工就搵Part-time,之前份工逼到我每日壓力好大,瞓得一個鐘,日日喊,又有恐懼,離開後先知原來重有更加好嘅待遇」。

【自我增值】負能量纏身?6種心態助你走出困局

不少網民看過事主的帖文後感同身受,「我畢業一出嚟做嘢都覺得好大壓力,做咗幾年轉工種,先發覺其實我唔係唔適合返工,而係份工唔啱我。打工都係為份糧為生活,唔需要為份工而無咗生活」、「更高人工都好,揾埋都未夠睇醫生,轉過環境好過」、「而且唔好覺得自己無其他經驗就唔敢轉行,話唔埋人哋就係想請一張白紙,永遠唔好睇小自己」、「試過做到有焦慮爆發,一年了先慢慢放低,之後出現不少後遺症,只能用時間去釋懷」。

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【返工血淚史】鄰居接連結婚朝早8點玩新郎 返夜更打工仔投訴:我瞓唔到啊!

  • 【職場熱話】炫耀未婚夫有私樓 遭公屋同事杯葛 事主一句說話被網民鬧爆!

  • 【香港買樓】做業主壓力大 樓按用盡身家供到70歲 打工仔︰有過度焦慮症

  • 【全球之冠】2021年100個最佳工作場所 Google同Facebook居然輸畀…

  • 【行業辛酸】自私住客隱瞞確診肺炎 煤氣職員上門檢查慘被隔離

  • 【職場熱話】打工仔唔過試用期跪地求上司 網民:做人畀啲骨氣!

  • 【職場熱話】裸辭後失業4個月 舊公司邀請回巢幫手 打工仔:食回頭草VS堅守尊嚴?

  • 【行業辛酸】$14000做倉務員 試用期6個月 中年打工仔老細因一個舉動辭職!

  • 【職場熱話】男友做保險成個人變晒 女友:畀人洗咗腦咁 一講錢就發晒癲

  • 【新聞熱話】香港千萬富翁數目創歷年新高 每12人就有1個 東區有錢人比例最高

刊登招聘廣告