【職場熱話】公司氛圍似邪教?日日同打工仔sell熱血團結!事主大嘆:好似用友誼情緒勒索啲員工

【職場熱話】公司氛圍似邪教?日日同打工仔sell熱血團結!事主大嘆:好似用友誼情緒勒索啲員工

不少公司都致力打造開心職場,希望可以凝聚打工仔的團結精神,提升公司業績,同時減低離職率。不過,部分別有用心的公司,卻以各種方法打造充滿拼勁、團結的職場文化,以此壓榨員工。

近日,有網民於社交媒體平台專頁「奴工處」投稿,指自己不久前入職一間職場氛圍與邪教無異的公司,管理層不斷強調「熱血」、「團結」的職場文化,以「友誼」來情緒勒索員工,不斷剝削員工。

延伸閱讀:【見工面試】被HR質疑35歲仲轉工 求職者自信回答!網民:40歲都仲轉緊啦!

按圖了解網民回應:

事主:發覺自己好似入咗一間邪教咁嘅公司,長期高壓、瘋狂OT、人工低又工時長,公司日日同啲同事不斷sell熱血、團結,但係成間公司啲管理制度好差。不斷係咁接job,但人手永遠唔夠,同事turnover率仲要勁高。

之前同上司反映過完全無用,嗰刻好絕望,開始覺得自己做到心理有問題,不斷頂撞上司。我唔排除公司某啲管理層真心對員工好,想營造一個友好嘅工作環境,但多多少少覺得佢哋係刻意用呢個氛圍嚟情緒勒索班員工,用糖衣嚟包裝壓榨員工。最後我頂唔順,同上司辭咗職仲反咗面,應該都唔做返呢行了。

網民A:唔好畀糖衣呃到,就算管理層好friendly咁對員工又點?佢哋都係有份壓榨員工,本質係一樣。

網民B:行行都係咁。

網民C:我試過,最後都係轉咗工,做到咁仲真係無咩希望。

網民D:有!我之前做管理層,不過應該同公司價值觀實在太唔同所以辭咗職。離職後覺得自己有PTSD,差唔多1年都未搵工,完全驚咗返全職。

網民E:試過,因為有管理層喺出面join咗啲層壓式社交,之後一個個同事畀佢拉入去……

網民F:樓主嗰行行頭咁細,其他公司係咪都類似咁,要好熱血?如果係,成行都好似唔太啱樓主,轉行可能會對你好啲。

網民G:咁似啲傳銷公司嘅……

網民H:間公司做咩架?Sell熱血?唔係嗰啲做咩人生教練課程嘅公司呀嘛……

網民I:sell熱血可以係公司強加畀同事嘅價值觀,例如「can do spirit」,咩都要say yes,只要有生意個客要咩都俾、SOP都可以改,做唔完OT到半夜都要做埋佢……諗起都覺得熱血……

網民J:如果sell熱血sell團結,但唔講回報,間公司咁離地點做呀?

網民K:要OT、人工低、工時長已經走得啦!

延伸閱讀:【30歲要儲幾多錢?】月光族30歲先儲錢是否太遲?打工仔驚覺:唔儲錢唔得!

對於事主的經歷,不少網民感到同情,他們表示即使管理層初衷是希望打造快樂職場,但未有調整員工的薪金工至合理水平,認為管理層亦是壓榨員工的幫兇,因此讚揚樓主辭職的決定。此外,有網民亦分享了自己的經歷,指自認與公司價值觀不同,導致出現創傷後壓力症(簡稱:PTSD),同時對全職工作感到恐懼。

延伸閲讀:【職場辛酸】壓力大到要掟OO發洩?網民:去老細面前掟辭職信仲爽

按圖即看公司對待員工好壞的方法:

延伸閲讀:【職場熱話】最憎嘅同學Apply自己公司!因為事主1句話上司決定放棄面試?

按圖即看公司有甚麼微管理制度:

延伸閲讀:【行業秘聞】原來呢行係咁荒淫?網民:好多都係咁啦!你唔知啫!


最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【2024市值最大公司】全球市值最大公司 亞馬遜排第6 蘋果排第2 第1名係OO!

  • 【銀行大不同】銀行同投行係2個世界?兩者究竟有咩分別 想報銀行或者投行有咩要注意地方?

  • 【金融熱話】舊公司加薪40% 希望打工仔回巢處理公司投資後續事宜 事主困惑:好唔好食回頭草?

  • 【職場熱話】返工幾時變咗朝九晚六?明明以前係朝九晚五!網民:因為係6天工作變5天工作!

  • 【職場熱話】老細覺得同事叮飯搞到有小強出沒 唔再畀同事叮飯!網民:根本治標唔治本

  • 【職場熱話】公司竟然Block咗WhatsApp 搞到同事做唔到嘢?事主大嘆:我點同客溝通呀?

  • 【職場理財】單身導致財務不穩定?26%單身女性指「單身太貴」有伴侶反而可以有助儲蓄!

  • 【2024通脹率】3月通脹率按年升2% 略低於市場預期 煙酒升幅最高?

  • 【就業市場】香港1月至3月失業率上升至3% 主要經濟行業失業率均上升!就業不足率升至1.1%

  • 【退休年齡】全球面臨退休危機!65歲退休成為夢想 專家:75歲先係合理退休年齡!

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow