【職場熱話】低人工有嘢學定係高人工齋坐?網民激辯:當然錢重要

【職場熱話】低人工有嘢學定係高人工齋坐?網民激辯:當然錢重要

薪金多寡通常與責任掛勾,因而許多打工仔皆嚮往薪高責任少的工作。坊間經常有人大吐苦水,指自身工作人工低,更經常需要加班工作,但同時竟然有人「嫌錢腥」?有名於藥廠及醫療器械廠工作的網民在網絡討論區「連登」發文,疑惑自己應該繼續留在「較高人工但齋坐」的現職,還是轉至「較低人工但有嘢學」的新職位,並為此尋求網民意見。發文不足一日,旋即惹來網民激辯,究竟高薪還是學習比較重要呢?

延伸閱讀:【職場心理】經常為工作前景而憂慮?6本撫平打工仔心靈的勵志書

即睇事主分享及網民回應:(按圖了解)

事主:背景:而家做緊齋坐工,有啲想搵第二份工。

事主:齋坐工優點:人工高過有嘢學嘅工30-40%,個base高啲遲啲轉工都可以叫高啲個價。

事主:齋坐工缺點:工作量極少(成個月得幾日有嘢做),轉工面試只可以靠吹水,極少實際做嘅經驗。

事主:有嘢學嘅工就人工低啲,不過拎到經驗,但係起碼要兩三年先追到齋坐工嘅人工。師兄師姐點揀?

事主:齋坐25,000,學嘢工18,000左右。我覺得有嘢學前景係點都會好過齋坐。

贊成「低人工有嘢學」

網民:你要自己考慮值唔值得為咗30%-40%而出賣自己嘅career development。

網民:你留得越耐,經驗值個差距就會越大,到時就會更難轉工。

網民:做多幾年就會發現18,000同25,000分別唔大,我當年減人工轉工就係為咗學嘢,

學咗一年轉工加人工到40,000,只要學嘅嘢有用就好值。

贊成「高人工齋坐」

網民:工作量少都係缺點?傻的嗎?

網民:老細咁俾機會你學嘢,梗係貼錢返工啦!(曲)

網民:就算搵有嘢學工,都要搵份唔低過依家份齋坐工。

網民:你以為有嘢學,其實到最後可能都係無。

網民:你揀咗學嘢工到時會後悔,咁辛苦又低人工啲,傻咗先會揀。同埋你都未做你諗嘅學嘢工,現實未必一樣,一定係揀高人工嗰個。

網民:學嘢目的為咩?咪搵更多嘅錢。依家齋坐都任務完成,仲搞咁多做乜?

網民:兩份工相差7,000,當學嘢工做1年,已經少咗8萬幾人工,學完嘢係咪嗌得到高過25,000?講緊差唔多叫高五成。

網民:人工高過有嘢學嘅工30-40% 點解仲要轉?打工睇錢㗎啦!你齋坐hea住輕輕鬆鬆收工去報堂搵嘢學拎張沙紙仲好啦。

網民:到你轉工做到隻狗又得雞碎咁多嗰陣,你先會識得珍惜份齋坐工。

 

網民提醒:時間運用恰當可兩者兼得

眾多網民認為事主現時的工作是許多人夢寐以求的,更有人留言希望事主「放個位出嚟,大把人想做」。有網民則提醒事主,「人生唔係得兩個選擇」,可以運用空餘時間做其他東西,讓學習與高薪可同時兼得。網民同時留下一些建議給事主打發空餘時間(按圖了解):

網民:人生唔係得兩個選擇,做住高人工嗰份,再趁有時間拎專業試資格或者讀返個Master。 有學歷之後再搵一啲有實際操作而人工唔錯嘅工啦。

網民:咁你不如去讀part time degree 啦!本身份工hea,25,000人工,大把時間俾你溫書,點解要專登轉去17,000?

網民:做齋坐工鑽研投資錢搵錢,就算洗廁所都可以外面幾百萬上落,工最緊要係唔困身。

網民:長做齋坐工,儲錢幾年,去投資或者搞生意。

作出抉擇後不應後悔

雖然事主個案比較特殊和罕見,有網民直指不明「點解人工差咁多之餘仲要workload相反」,但無論如何,人生每個階段都需要作出抉擇,而正正是那些抉擇引導了人生的方向。當決定每件事後應努力向前,不應再回頭看啊!

延伸閱讀:【網絡熱話】30歲搵2萬慨嘆一事無成 網民鼓勵:大器晚成

延伸閱讀:【職場熱話】老闆加薪想你留低?網民:千祈唔好心軟

延伸閱讀:【職場熱話】同事以放工進修為由 叫其他人硬食工作 網民:讀書大哂?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】外賣送遞員最高月入6萬蚊 網民:呢啲辛苦錢唔係人人賺到

  • 【網絡熱話】琴行出$18,000請演奏級鋼琴老師 一星期返60個鐘惹爭議

  • 【網絡熱話】打工仔發現新同事人工高一截 大呻心理不平衡 網民:你有料咪轉工

  • 【行業辛酸】做戲院帶位員好輕鬆?從業員大爆10種最討厭觀眾

  • 【家庭關係】住得屋企就要畀家用?網民:唔會同屋企講有幾錢人工

  • 【職場熱話】新工加20%人工 舊公司挽留加15% 打工仔陷兩難 新公司竟然……

  • 【網絡熱話】返工幾努力都無得升 打工仔感慨:接受自己係平庸嘅人

  • 【網絡熱話】豪宅住戶出價$800請大學生清潔+私補+教琴 網民:你係無知定刻薄?

  • 【網絡熱話】公屋出身醫生VS有樓揸手IT男 2大筍盤女網民會點揀?

  • 【職場熱話】Fresh Grad不滿公司出手低 接受Offer後要求加薪無回音

刊登招聘廣告