【職場文化】打工仔糾結留港還是赴日 網民:頂到日本職場先好去

【職場文化】打工仔糾結留港還是赴日 網民:頂到日本職場先好去

對於許多熱愛旅遊的香港人來說,去日本等於「返鄉下」。疫情持續將近兩年,各國通關和隔離措施打亂了不少人的旅行計劃,不少人已經希望可以重踏東京、大阪等地熱點。無疑,日本是旅行的夢幻國度,但到日本工作有是如何呢?有名從事銀行業的打工仔現實面對留港與赴日的兩難抉擇,但眾多網民提醒他要多加考慮日本職場文化。

延伸閱讀:【職場遊世界】赴日工作受不住加班?逾3成日本人視工作為人生樂趣
延伸閱讀:【職場遊世界】日本社畜文化好嚴重?揭示6個上班族辛酸史
延伸閱讀:【職場遊世界】日本企業允許80歲以上僱員就職 限每周工作4天 每日5小時

即睇事主分享:(按圖了解)

事主:本身自己做緊香港銀行,但無啦啦日本嗰邊問我有無興趣返嗰邊,咁人工都比而家加咗30%-40%。

事主:同日本傾好晒,諗住同香港辭職嗰時,香港老細再開一個offer同日本offer一樣去留我,但因為日本稅多啲,所以香港實收會再多咗。

事主:日本offer其實比而家會跌咗一個band,但因為佢請外國人所以人工會加得多,香港個新post就真係得升職。

事主:其實小弟原本諗住試加拿大個immigration scheme,咁而家香港日本兩個offer,應該直接要香港offer儲多啲錢再去加拿大,定直接要日本offer做社畜算?

事主:好糾結,求各位大大意見。(本人係識日文嘅,有N2。)

網民留言呼籲事主應留意三大日本生活問題:(按圖了解)

一、語言不通?

網民:樓主本身識唔識日文?長住一定要識,唔係嘅話職場以外地方(租屋、日常生活、年金之類)會好大件事!

網民:唔好去日本,除非你好有料,日文又好。

網民:你有N2但你同唔同到人講日文?定你去到都係講英文?我識大把人N1都唔識講嘢。

事實1:根據英孚教育最新的《英語熟練度指標報告》,日本英語水平指數在全球多個國家與地區排名第55位,被評為「低熟練度」國家。(香港排名第33,屬中等水平)。

事實2:日本語能力試驗(JLPT)為外國人測試日語日語能力的主要考試,分有五級(N1最高級,N5最低級),惟考試只設筆試,題目全為多項選擇題,通過考試未必等於能夠說得一口流利日語。

二、職場文化惡劣?

網民:日本旅行就好,做嘢不了,勁大壓力。

網民:認真答樓主,日本嘅culture同香港好唔同,建議了解咗先。利申:返過日本公司,做咗一日即走咗。

網民:日本遲到一定俾人鬧,仲要OT到九點、十點,唔係個個頂得順。

網民:無嘢做還無嘢做,而家啲同事日日都無嘢做無OT錢,但坐到8點先走人,準時走就要俾人閒言閒語。

網民:日資公司階級文化好勁,不過係可以唔理,但就預咗公司啲人會唔妥你,成日俾說話你聽。

網民:不過而家當地後生仔都好西化,所謂傳統企業入面日本特有嘅壞文化都逐漸式微。

事實1:日本厚生勞動省於去年調查約33,000間企業,當中有37.1%違反當地的加班法例。

事實2:日本在二次世界大戰後,眾多企業採取「終身僱用」制度,薪酬架構以「年功序列」制訂,即是員工薪金與年資掛鉤,某程度導致企業內長幼有序的階級文化。隨日本1990年代初泡沫經濟爆破,「終身僱用」制度與「年功序列」逐漸瓦解,但企業階級觀念依然深厚。

三、保護主義強?

網民:見你外國人又下下針住你個外國人身份講。

網民:日本保護主義好強,唔係話你想融入人哋就俾你融入。既然你香港都搵到錢,點解唔喺自己地頭玩?

事實:根據日媒《日經新聞》去年的報道,留日外地人月薪普遍為223,100日圓(約15,600港元),只及當地人平均月薪的73%。

移民工作成熱潮 應先了解當地文化

移民潮湧現,到外國工作成為潮流,加上擁有在不同國家經驗往往能為仕途加分,事主貼文也有不少網民回覆指「去日本機會唔係成日有」,呼籲事主如果「有本錢去體驗下都好」。

不過,事主開宗明義表明將考慮到加拿大發展,有網民認為留在香港升上更高職位或會較好,更指出日本人保護主義強烈,「過日本跌一個band,仲會少咗人幫你,何必呢?」

雖然日本是香港人心愛的旅遊熱點,但許多網民認為「真係喺日本生活應該兩回事」,籲事主作出決定前三思。不論到哪個地方發展,移民前應先了解當地文化,以免期望與實際有嚴重落差。

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】打工仔被同事恥笑準時放工 質疑自己係咪做錯事 網民:OT係佢哋能力有問題

  • 【職場遊世界】日本企業允許80歲以上僱員就職 限每周工作4天 每日5小時

  • 【工作時數】返五天通宵定返六天日間? 網民:兩份工都一樣衰

  • 【職場遊世界】赴日工作受不住加班?逾3成日本人視工作為人生樂趣

  • 【職場兩性】拍拖另一半嘅返工時間都係其中一個考慮因素?

  • 【職場熱話】初創公司「百無」 員工返工竟要用自己數據?

  • 【職場熱話】投身社會工作後友情容易變質 打工仔感嘆:幾個月先message一次

  • 【Appraisal】35句實用大全 打工仔自我評估、上司填Form無難度

  • 【職場熱話】獵頭公司無下文搵另一間突被鬧 求職者:我點知道你哋行規?

  • 【職場熱話】做老師好過唔少工?最麻煩係○○○○

刊登招聘廣告