【好想裸辭】日日OT到9點 長期情緒低落 打工仔應該裸辭定捱落去？近7成網民支持○○！

工作壓力與身心健康能否取得平衡？「裸辭」可能是不少打工仔解決上述問題的選擇，尤其是在年輕打工仔群體中，越來越多人開始反思工作的意義，並選擇裸辭調整健康與狀態。然而，對於背負經濟壓力的打工仔而言，裸辭並非一個輕鬆的選擇。近日，有打工仔在社交平台「Threads」發帖，表示長期加班令他身心俱疲，萌生了裸辭的念頭，但家庭的負擔讓他難以放棄穩定的收入，於是向網民求教並發起投票，希望了解他們的意見。

有近1,600位網民參與投票，67%認為健康最重要，支持事主裸辭。但網民的回應又與投票結果大相徑庭，究竟為何有這樣的差異呢？

即看事主分享及網民回應：

+18

+17

事主：「好奇問吓，份工長期做得唔開心，工作內容冇興趣，每日OT到9點，開始每朝情緒低落到真係唔想返工。但人工大有3至4萬，要畀1/3家用，大家會為份人工捱落去，定會裸辭唞一唞？」

網民：「講真，人哋要講句叫你辭職好輕鬆，你辭職當下都好爽，好似放監咁自由。但係呢種開心唔會持續好耐，因為你嚟緊要面臨有冇飯食嘅問題，同埋幾時先有返收入，萬一成年都冇人請你呢？你接唔接受到做自己範圍外嘅嘢？可唔可以做到馬死落地行？搵工失業嗰段日子精神容易受創，真係會抑鬱。如果有儲蓄可以，但係成個家庭要你養，你又要顧埋佢哋嘅情緒，佢哋擔心你，你又要扮冇事。真心地講句，呢個市道睇定啲，搵到先好走，十萬個奉勸！」

網民：「我上年同你情況一樣，返工返到情緒超差，最後四月裸辭咗，當時有種終於解脫嘅感覺。但之後我用咗半年時間先搵到工，嗰半年處於好焦慮嘅狀態，而家份工嘅人工仲畀心目中嘅價差好多。過來人建議，一邊試吓改變自己嘅諗法，返工啫，做到幾多咪做幾多；一邊繼續搵工，搵到先走，起碼都叫Keep住有收入。始終而家Opening唔多，人工同職位有返咁上下嘅就仲難搵，無謂裸辭完搵唔返而家個價。」

網民：「好多人返工都唔開心，為咗錢都冇辦法要捱落去。如果轉工搵唔返呢個人工都冇所謂嘅，咪走囉。但難保下一份搵2萬嘅都係一樣做得唔開心。搵啲工作以外嘅興趣，收工去做可能會更好。」

網民：「臨時措施：每星期搵一日，一定要準時放工，平衡返自己心理先。有人唔高興就由得佢，你又唔係冇OT，學識厚面皮啲。搵到4萬算唔差了，就算搵份2萬都一樣有壓力㗎。」

網民：「短期：睇睇工作量點樣調節，搵下屬幫手，試吓精神離職，同意Comment 話要有1日準時走，至少唔係9 點走。長期： 搵其他工作機會，或者睇吓自己對咩有興趣。」

網民：「返工本來就冇意義，只係唔夠錢使先要返工。如果大家都夠錢用，邊個想返工？如果你2、30歲，冇咩太大負擔就唞吓。我之前都唞咗幾個月，唞到悶，唔夠錢就去搵份工做。不過記得唞嗰陣家用要照畀。」

網民：「睇唔開心到乜程度。齋係辦公時間前後幾個鐘同星期日情緒Blue吓，我覺得可以忍，為份糧啫，冇邊份工可以返得好開心㗎。但如果搞到放工同放假都放唔低嘅話，就係時候考慮走人了，費事影響健康。但除非唔憂米，最好都咪裸辭，騎牛搵馬啦。你可以試吓，連埋唔開心嘅時間同OT都計晒落辦公時間，睇吓人工算唔算合理再決定。畢竟換份人工低，但準時放工冇壓力嘅工的話，你可以攞多出來嘅時間去做兼職幫補吓。」

網民：「除非真係已經影響身心健康，否則有新工先辭，辭咗搵唔返仲大壓力。」

網民：「執一執CV再努力搵工。先減少OT時間，畀返啲ME time自己緩解心情，如上司有Overload或不合理要求，可以請佢Send email作文字記錄保障自己權益。心情好，事情就會好轉。」

網民：「要睇你嘅經濟情況，有經濟壓力就死忍。經濟轉差，現時未必咁易搵返份薪金差唔多嘅工。」

裸辭有風險

不少網民考慮到目前的市場狀況，勸告事主不要貪圖裸辭一時的輕鬆，忽視了其後果——失業求職不僅帶來經濟壓力，還會導致精神焦慮，適得其反；有網民建議事主先從改變現狀開始，例如減少加班時間、嘗試「精神離職」或發掘工作以外的興趣等，以減輕情緒負擔。

網民的經驗分享和建議都各具參考價值，與事主有類似困擾的打工仔不妨思考一下，評估裸辭的風險自己能否承受，或分析目前的工作現狀有沒有改變的餘地，再作出最終的選擇亦不遲。

萌生去意的打工仔可以參考以下5個問題，快速判斷辭職時機：

+13

+12

延伸閱讀：【辭職轉工】冇Bonus冇晒動力要唔要趁早離職？打工仔：好想等佢炒我！

延伸閱讀：【辭職轉工】點解轉工一定要披露上一份工嘅薪金？永遠走唔出underpaid困局？

延伸閱讀：【轉工跳槽】老闆大材小用耽誤前程？6個你應該轉工的情況

延伸閱讀：【辭職時機】月薪低於2萬！每年須出差4個月應否辭職？網民：快啲走！

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪