【區區打工仔】非傳統地區返工失優越感?網民:食飯唔使同人逼仲好

【區區打工仔】非傳統地區返工失優越感?網民:食飯唔使同人逼仲好

眾多打工仔上班地點普遍分佈位處鬧市的商業區,例如中環、灣仔、尖沙咀、觀塘等,而大企業也偏好於中心商業地帶設立辦公室,以維持企業形象。不少人認為在中心地區工作是個身分象徵,尤以頂級辦公室林立的中環為甚,但香港仍有於其他地區工作的人,究竟他們有甚麼與別不同的體驗呢?早前,有網民在網絡討論區「連登」發文,表示自己「唔知點解接受唔到喺非旺區返工」,認為在非旺區上班「有種抑鬱嘅感覺」。該網民以「喺非商業區返工,係咩感覺?」為題,邀請其他網友留下他們的經驗和感受。

延伸閱讀:【區區打工仔】商業區新貴?黃竹坑返工好唔好?

非傳統商業地區返工的優點與缺點:(按圖了解)

優點1:食飯唔使逼,物價廉宜

網民:我想喺非旺區,平民餐廳多又唔使逼。

網民:上一份工返葵涌光輝圍,附近勁多街坊嘢,有1蚊1嚿煎釀三寶、廿蚊燒味飯。

網民:儲得多啲錢,食飯行街都用少咗錢。

優點2:搭車好鬆動

網民:坐車返工永遠霸兩個位。

網民:去旺區返工,返工放工都要同人迫車。

優點3:寧靜舒適

網民:以前office喺遊客區附近,熟咗出門口時間之後不時都會食完早餐順路行三四個字海灘返工,好chill。

網民:靜,十年如一日。

缺點1:公共交通班次疏落

網民:而家港鐵同埋巴士公司好鐘意將朝早繁忙時間由市區/傳統工商區往純住宅區/傳統住宅區方向嘅班次,有咁疏開咁疏。

實際例子:過海巴士930X由銅鑼灣開往荃灣方向的頭班車為早上11時正。

缺點2:午飯或缺乏選擇

網民:你想幾嚿水食餐好嘅就sorry,幫唔到你。

網民:大埔工業邨 30分鐘腳程內無任何店舖,唯一選擇是公司飯堂。

網民如何評價在傳統地區返工呢?(按圖了解)

網民:我食晏有好多餐廳可以揀喎。

網民:收工後可以喺嗰一區食飯娛樂shopping。

網民:返旺角就係旺角,已經贏咗。

網民:感覺自己賺嘅五萬蚊,同中環賺嘅五萬蚊有種距離感。

 

傳統還是非傳統地區?每人各有喜好

正所謂「鹹魚青菜各有所愛」,在旺區還是在其他地區上班的命題不存在對錯,選擇在哪兒上班取決於個人的著眼點。偏好非傳統地區上班的人,主要覺得非旺區環境較舒適,周邊物價也較低;偏好傳統地區上班的人,以方便度為首要考慮。不過,傳統地區上班午飯是否一定昂貴呢?有網民反駁,即使在中環,「橫街窄巷都可以有平民價錢,仲有好多大排檔」。

無論如何,不論你嚮往非旺區的寧靜,還是羨慕中心商業區上班的優越感,最緊要還是工作得開心。

「中環人」身份象徵背後,有甚麼辛酸呢?

許多人認為「中環人」是個身份象徵,甚至是不少人腦海幻想的社會精英,但中環返工有是否如想像中美好呢?如果你是中環人,下面六項又有沒有共鳴嗎?(按圖了解)

延伸閱讀:【區區打工仔】怨葵涌係全港最差返工地點?打工仔反駁︰美食天堂

延伸閱讀:【區區打工仔】網民大數火炭返工四大慘況 連一架過海巴士都無?

延伸閱讀:【區區打工仔】荔枝角工業區返工低人一等?食人氣壽司店仲有免費乒乓波打

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告