Next
【AI科技】AI慢慢取代唔同工種？程式員、行政人員、漫畫家等隨時失業！樓主：人類仲可以有咩工可以做？
【AI科技】AI慢慢取代唔同工種？程式員、行政人員、漫畫家等隨時失業！樓主：人類仲可以有咩工可以做？
2024-06-17
科技發展一日千里，生成式AI不斷推陳出新，不少打工仔都會使用AI工具，協助自己的工作及日常生活。然而，由於生成式AI不斷改變着職場生態，使部分打工仔認為AI將來會取代人類，大部份繼而失業。近日，有網民於連登討論區發文，指出不少行業及職業都逐漸被AI取締，困惑打工仔若非身任管理層職位，還能夠任職哪些工作呢？
延伸閱讀：【職場趨勢】人工智能成為辦公工好幫手 調查：文職人員的AI使用率按季升24%
按圖了解網民回應：
樓主：發現越嚟越多工種畀AI同唔同技術取代。第一，北美國家炒咗一班程式開發員；第二，admin畀自動化取代；第三，第時揸車會用自動駕駛；第四，好多國家已經用遙距技術，例如中國開始有遙距診症；第五，ChatGPT已經過到大律師考試；第六，廚師會畀啲預製菜取代；第七，戰機機師開始會同AI機師一齊訓練；第八，地盤工種會畀預備組件減少地盤工嘅工作量；第九，畫漫畫、Copy Writer、電影、唱歌，就連明星都可以用Generative AI整到；第十，德國已經出現性愛機械人，已經投入喺消費者市場度。
如果打工仔做唔到管理層，其實仲可以有啲咩工可以做？呢個年代，可能真係得返啲吹水佬，睇value chain 同真係offline運作嘅位置先可以捱多陣……
網民A：取代晒嘅話，咁我哋咪唔使返工，個個戴住VR入異世界生活！
網民B：AI真正可以全面取代人類工作，我諗我哋有生之年都未必會見到。
網民C：人類啱啱開始踏入AI時代，正如工業革命都令好多工人失業，但係咁亦都促使社會制度作出改變，例如出現共產主義、工會等等。如果人類注定要行AI呢條路，為咗維持社會穩定一定要作出改變，可能資本主義會被淘汰。
資本家加AI代替人類工作根本係一場災難，到時可能會行返類似社會主義嘅模式，由AI維持社會運作去供養人類，返工只會變成興趣，不過呢啲應該都會係好多年之後嘅事。
網民D：既然咁多嘢會畀AI取代，不如而家直接投資AI股當買個保障。再學返門手藝：水電、裝修、工程、機械維修，呢啲應該唔會AI取代到。
網民E：北美炒咗一堆developer，主要係因為covid前請太多。而家唔需要先炒。Start-up/非科企嘅developer一樣咁搶手。
網民F：去到AI全面取代人類之前，識用AI嘅同事已經取代咗你嘅工作，一個人用AI做5個人嘅嘢。老細就可以炒其餘4個人。
網民G：個情況好似有同事做埋你份工，老細炒咗你之後，係咪你就唔使返工，可以享受生活先？
網民H：其實AI發展嘅方向根本搞錯咗，明明人類係為咗要做創作，而發明機械人幫人類掃地、洗碗嗰啲；而家變咗AI做創作，人類就變咗掃地、洗碗嗰啲……
網民I：就係因為咁，所以歐洲已經開始研究緊全民基本收入。
網民J：仲邊有人敢買樓？層樓供30年，份工都唔知捱唔捱到3年……
延伸閱讀：【人工智能】企業依賴AI 「見工」 打工仔擔心被莫名淘汰
帖文一出，不少網民紛紛分享自己的看法。有部分網民認為，當AI全面取代人類工作時，人類就可以不用工作，靠AI生產所需要的物品，例如食物、基本設備等，使人類可以真正享受生活。有部分網民認為雖然AI仍需一段很長的時間才能取代人類職位，但人類可以提早做好準備，學習AI未能取代的工作，例如水電、裝修、工程、機械維修等，以保障自己的競爭力。
延伸閲讀：【Z世代】調查：近半數Z 世代打工仔信AI 多過信上司：ChatGPT 建議更好……
按圖即看12個AI產業新興職位：
延伸閲讀：【職場文化】麻省理工研究: 用AI取代人類員工的成本太高 料公司選擇使用人工智能的速度下降
按圖即看美大學教授教你如何避過AI衝擊及裁員潮：
延伸閲讀：【網絡安全】AI出現令網絡攻擊不斷上升 銀行及金融成網絡釣魚詐騙重災區！
最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!