【面試黑名單】盤點10個最令人反感面試問題 年齡歧視只排第3？第1名超意外！
CTgoodjobs' Editor
對香港打工仔而言，求職面試不只是尋覓新機會，更是一場心理戰。有時準備得再充分，也無法預料面試官會拋出什麼「出界問題」。台灣有機構進行調查，整理近一年求職者分享在面試時，遇到的10大令人不舒服的面試問題，當中你又遇到幾多個呢？
按圖睇邊10個最令人反感面試問題：
No.10 討論感情、婚育規劃
「你結婚了嗎？有冇生育打算？」這類問題表面溫和，實則屬個人隱私，應與職務無關。建議可禮貌回應：「我希望能專注分享我的專業能力與經驗。」
No.9 血型星座八字過度關注
面試變成「命理分析」？「你咩星座？八字會唔會撞老細？」若非職位需求，這類提問毫無專業性。可堅定指出：「我希望面試聚焦在職能配對上。」
No.8 肢體性騷擾
肢體接觸如摸手、搭肩、靠耳講話等均屬越界，應即時拒絕並保留舉報權利。根據調查，逾三成求職者曾遇相關困擾。
No.7 學歷偏見
「你讀得咁多，點解搵份咁嘅工？」或「冇學位點升職？」學歷不應成為唯一標準。重點在於實際能力與學習態度。
No.6 過問宗教信仰
「你信咩教？會唔會影響返工時間？」這類提問易涉歧視。
No.5 提及與工作無關應酬
「你介唔介意夜晚陪客飲酒？」小心這些提問是假工作真陷阱，甚至涉及詐騙或非法活動，應提高警覺。
No.4 詢問家庭背景或出生地
「你係邊度人？家庭背景點？」除非與職務有關，否則屬於歧視性提問，應即時糾正對方觀念。
No.3 年齡質疑
「你咁細個，真係做到？」或「年紀大，學得夠快嗎？」年齡不該成為否定能力的理由，實力與價值更應受重視。
No.2 品頭論足
對外貌、體型、打扮的評論如「你着得咁性感嚟見工？」均屬騷擾行為。應冷靜糾正：「外表無關工作能力，請聚焦職責內容。」
No.1 言語性騷擾
「你有冇男朋友？嚟M會唔會請假？」這些問題明顯不當，更有可能涉及言語性騷擾，建議立即終止面試，尋求協助。
求職並非乞討，面試更不應是公開審訊。打工仔有權利選擇尊重自己的僱主，亦有義務保護個人尊嚴與身心安全。拒絕「毒文化」從一個清晰的界線、一句禮貌堅定的回應開始。記住，真正專業的企業，不會以冒犯為前提來選才。
睇埋：面試遇到呢10個警號要小心！
睇埋：面試官問私人問題 港漂女當面反擊：你好惡毒啊！
延伸閱讀：【職場熱話】新offer人工高20%！但預感間公司可能裁員、結業 事主：做不做好？
延伸閱讀：【見工面試】求職者提出1問題 HR竟然即刻黑面？「你以後去其他公司唔好再問！」
延伸閱讀：【求職面試】Interview禍從口出？HR分享6件不應做嘅事！只講成就都唔得？
延伸閱讀：【見工面試】「自我介紹」最容易失分！只需4個重點10秒捉住面試官注意力
最新專訪片︰
【office豪華旅行團】GT Group超日系辦公室展現年輕活力 仲有Poolside畀員工放水燈！
Follow CTgoodjobs for the latest career news, hot topics and recommended jobs!