【返工VS.讀書】細個想返工 出嚟做嘢先發現讀書嘅美好 事主慨嘆：成日以為讀書辛苦，其實根本就係呃自己

不少畢業生已陸續投身職場，迎接人生下一個階段。不過，對於一眾職場新鮮人而言，讀書與工作的分野，很有可能因為一時的轉變而未能適應。近日，有網民於連登討論區發文，指自己投身職場後才發現讀書的美好，認為工作的辛苦程度比自己想像中大……

延伸閱讀：【新工恐懼症丨轉工煩惱丨減壓方法】每日返工都好焦慮？擔心轉工要從頭適應過？職場新鮮人特別容易緊張？

按圖了解網民回應：

+10

+9

事主：讀書嗰陣就會好想返工，覺得讀書又係要做嘢，但又無錢收。去到而家返全職intern就覺得好辛苦，多嘢做都根本無停過手，個腦已經做到一片空白，完全係放空狀態。諗深一層，成日以為讀書辛苦，其實根本就呃自己，上堂咪又係玩手機，做功課又可以靠ChatGPT。想問吓大家咩資嘅公司好做，得閒可以hea吓，中資定歐資？

網民A：啲人半工讀都未出聲啦！

網民B：有啲人覺得辛苦等於享受，等於有充實人生，成日覺得呢班人應該係鬼上身。

網民C：無人幫到你，生活就係唔容易，唯有唔好咁悲觀。

網民D：返工最辛苦係要處理人際關係，讀大學最辛苦都係通宵溫書啫。

網民E：返學辛苦啲。問題係，人大咗多咗好多嘢要煩，我最主要係煩屋企人嘢。如果唔計呢啲責任，純返工我係ok的。

網民F：做咗嘢之後，係有錢買嘢，但我最想買嘅嘢係假期……

網民G：返工有錢收，到月尾出糧就可以買自己想買嘅嘢，個感覺係幾開心。

網民H：睇你返咩工啦，我覺得做嘢舒服過返學，可能我份工本身夠hea。

網民I：吓？最多讀書嗰陣會唔想讀書啫，未至於會想讀緊書嗰陣想去返工呀嘛……

網民J：返工之後會因為好多嘢煩會影響到情緒，呢嘢係最難頂。

延伸閱讀：【見工面試】畢業生Interview有咩唔做得？公開10大面試禁忌！企業最唔鍾意求職者……

網民意見兩極，有一部分網民認為工作比讀書容易，指出工作可以賺取收入，讓自己可以購買心頭好，而且大部分公司規矩不如學校那樣嚴厲，可以隨意打扮自己，讓自己更有自信，甚至可以在工作期間一邊聽歌而排解苦悶，這些都是工作的優勝之處。

另一派網民則指出讀書期間除了要專注讀書外，無需擔憂其他問題，例如生活支出、同事間的人際關係、職涯出路、家庭問題等，網民表示雖然讀書與工作同樣伴隨着壓力，但即使讀書成績再差，都只是留級而已，工作卻會遭到解僱，失去經濟來源，因此覺得讀書比工作更為輕鬆。

延伸閲讀：【職場新鮮人】畢業生啱唔啱做初創公司？有呢3個特點先好做！

按圖即看職場新鮮人6大煩惱事：

+22

+21

延伸閲讀：【職場新鮮人】Fresh Grad好難搵工？3個隱藏技巧幫你提升求職成功率！

按圖即看網民盤點的辦公室生存技能：

+11

+10

延伸閲讀： 【畢業生出路】邊科大學畢業生起薪點最高？藥劑師年薪過$90萬 軟件架構師年薪都有$78萬！最低年收入係文科 起薪點只得$29萬！

最新專訪片︰

【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪