Next
【辭職脫苦海】打工仔被逼帶頭 日日OT仲要不斷畀上司鬧！事主：好唔好喺公司Peak Season辭職？
【辭職脫苦海】打工仔被逼帶頭 日日OT仲要不斷畀上司鬧！事主：好唔好喺公司Peak Season辭職？
2024-12-10
公司處於旺季時期，不少打工仔的工作量都會因而增加，甚至需要加班工作才能勉強完成當天工作，令打工仔身心疲憊，容易因過大的工作壓力而萌生離職念頭。近日，有網民於連登討論區發文，指公司踏入旺季，加上公司人手短缺繼而自己的工作量大增，期間更經常遭遇上司無理取鬧，令事主萌生出離職的念頭……
事主分享及網民回應
事主：之前個senior走咗之後，公司就無再請返，我被逼要帶頭處理埋senior位啲job，本身我都無咩經驗，好多嘢唔識做，唯有硬住頭皮去做。但每日都勁多嘢要做，日日朝八晚九，忙到廁所都冇時間去，日日做到筋皮力盡都做唔晒啲嘢，啲job仲要勁麻煩，日日都有種各樣問題出現。
最近唔知做過咩嘢，好似得罪咗上司，日日畀佢鬧，就算同佢講嘢佢都黑晒面同力竭聲嘶咁鬧我……星期一至六日日做嘢都忙到無時間唞，係得星期日可以帶住疲憊嘅身軀返去見屋企人。家父末期癌症，但係返工太忙都請唔到假陪佢做化療 。諗深一層我返工都係想搵兩餐啫，為咩搞到咁辛苦……好唔好喺公司Peak Season辭職？
網民A：辭啦，你都有咗答案。你遞信之後會好後悔，好後悔點解咁遲先遞！
網民B：走得快好世界，公司唔會多謝你。
網民C：返工咁辛苦為咩？人工好高？
網民D：你爸爸有末期癌症都唔留啲時間陪佢，咩工無咗你唔到呀？
網民E：老豆得一個咋，財政上負擔到，不如陪吓佢同埋畀自己唞返陣先啦，咁做法遲早有情緒病。
網民F：梗係peak season嘅時候走啦，唔通無嘢做，可以hea嘅時候辭職？
網民G：返工為賺錢，老闆都諗自己先。老闆心態係公司每個員工都係可以隨時搵人取代。
網民H：我試過，你都打份工啫，點都係自己需求緊要啲。遞完信一定有冷言冷語同閒話，不過你都遞咗信，唔使理！
網民I：唔講你屋企，單係你精神狀態就要快啲畀自己至少斷聯唞返幾日啦。幾日後你開返電話返工，你會發現根本無嘢趕，公司無咗你都係可以順利運作落去，所有話會交唔到會好大鑊嘅嘢咪又係無事，你只係畀公司同上司PUA緊！
網民J：員工同老闆嘅最大分別就係甩唔甩到身，如果打份工連身都甩唔到，變做生活就係工作，要放棄自己生活、屋企人相處嘅時間，其實應該要檢視吓呢份工係咪適合自己，又或者叫老細調整人工令你覺得可以犧牲全部嘢。
網民K：支持你返工時間內只係做份內事，始終有人工出。公司走咁多人，你工量多咗咁多，佢哋仲咁對你？反正上司都無原因咁鬧你，你咪每日按章工作，收工時間即走、返去hea做。最差情況都係炒你，炒你仲要賠錢畀你添。份工其實真係唔重要，自己同屋企人先係最緊要。
延伸閱讀：【辭職學問│轉工跳槽】辭職轉工應該點寫farewell email？內附3個farewell email範例
對於事主的經歷，大部分網民都支持事主應盡快辭職，指出事主父親身患絕症，，事主卻因公事而未有時間空閒陪伴，做法令人咋舌，更嘲諷事主「比黎生更黎生」。網民表示「工永遠都有，但屋企人只係得一個」，一致勸籲事主盡快辭職，陪伴父親最後的時光。
有部分網民指出，撇除家人一事，公司遲遲未肯招聘新員工，令事主工作量已經遠超可承受的範圍，而且司無理取鬧，借事主發洩自己的情緒，其職場環境十分惡劣。網民認為長久下去，事主的身心必定會有嚴重影響，因此建議事主此時無需對公司有同情心，應盡快辭職以保護自己的身心健康。
延伸閲讀：【轉工貼士】轉工前考慮4個因素 呢3個月份轉工最啱時機！
按圖即看3個遞辭職信的好時機：
延伸閲讀：【辭職信】簡短辭職信範本 3分鐘幫你完成得體辭職信！
按圖即看職離前必做的5大交接工作重點：
延伸閲讀：【辭職理由用咩好？】想辭職用咩理由最好？網民盤點好用辭職理由！想轉新環境、調整自己步伐、返屋企做兒子？
最新專訪片︰
Look out for further updates on our Facebook fan page!
Latest IT Salary Trend
-
View Jobs35kMedian Salary
-
View Jobs35kMedian Salary
-
View Jobs25kMedian Salary
-
View Jobs20kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!