Next
【辭職學問】Last Day前夕新公司先話唔請自己 仲有冇得反口唔辭職？
【辭職學問】Last Day前夕新公司先話唔請自己 仲有冇得反口唔辭職？
2022-09-05
搵工、鼓起勇氣遞辭職信、等待last day的來臨，相信大家都經歷過辭職的流程，只是不知道大家在這最後等待last day到來的一個月裡，會如何表現呢？做好本份，完成交接，還是所有熱誠都放下，甚麼都得過且過就算數？
延伸閱讀：【中秋節】同員工歡度中秋 一個果籃50人分 網民：原來真係有五餅二魚…
可能有些人覺得，因為受到公司不公平的對待才會辭職，最後一月了，還不是到公司怕了我才對？但這一個月其實還有很多變數，可能大家覺得「凡事留一線，日後好相見」很老套，不過，如果這一個月裡，新公司才突然反口說不聘請你了！你會厚着面皮求舊公司收回你的辭職信，還是保持骨氣，說走就走，大不了變成祼辭呢？最慘是，你連散水餅都已經訂好……
即睇事主分享及網民回應：（按圖了解）
事主：「話說喺而家間公司都做咗幾年，想轉吓環境，所以就邊做邊搵緊工。早排in咗一間公司，好快佢哋就話要請我！仲已經傾好晒幾時可以入職，但合約嗰啲就到時第一日返工先簽。收到offer之後我就同而家間公司講辭職，可能因為講咗辭職，所以都冇咩心機做嘢，好多都hea做畀佢，因為心諗之後都唔會再喺度做。
點知臨last day，請我嗰間公司竟然打嚟同我講，因為佢哋公司一啲原因，唔請我啦！身邊啲同事都知道我要last day，我連散水餅都訂埋，冇諗到新公司咁樣臨時甩底！而家同現公司講唔辭職住嘅話有冇用呀！」
網民：「你都諗住走今日唔走都聽日走，除非你想繼續長做，你可以同老細講：『我考慮後，唔捨得同事同呢份工，想繼續做！』得唔得？」
網民：「繼續搵工，而家好多公司都等人做。」
網民：「我太太試過，本身好來好去。last day時，上司講而家疫情，出面難搵食，班拍檔都想留佢，咁就繼續做。」
網民：「喺老細前下跪都見過！」
網民：「都係一個機會畀你重新搵過份更好嘅工，有能力嘅怕咩出去搵？當日想走去搵工一定有原因！」
網民：「做人最緊要有骨氣！」
網民：「我早幾個月返新工，返第一日到下午覺得唔對路，即刻打電話畀舊老細，然後第二日重返舊工。（即係依家份工。）」
網民：「一切都睇你同上面關係，所以例如臨走就hea做，呢啲都係幾不要得嘅行為，人哋有眼睇嘅，就如現在咁，你多少為自己想留返低設下了障礙。」
網民：「咁當初為乜要走？就算畀你留低，你覺得會點對你？仲要睇你同上面關係好唔好囉！」
網民：「其實樓主本身方向係想離開公司，轉工同工作環境。都臨近last day 走人，唔諗住離職後再搵過工作嘅方向？」
網民：「走啦！咁樣留得低，到最後都畀人玩到再辭工。到時再補多句『又辭工呀？』你咪仲冇癮，走罷啦！」
網民：「如果公司未搵到人接你個位，隨時都得。同埋要睇老細同你關係如何，走咗召你回巢都大把！」
網民：「如果細公司或者有機會，但如果中等至大公司，就多數冇了。」
網民：「同用BNO移民一樣，有乜事都唔好返轉頭，要有骨氣呀，要記得當日辭職幾有霸氣！」
認低威VS有骨氣！
雖然好馬不吃回頭草，但都有好些網民表示自己或身邊的朋友都有試過「食回頭草」的經驗，有時是公司在員工last day前再挽留，有時是員工自己放下姿態，與公司商量收回決定。
不過，有更多網民認為事主應該要有骨氣，更加要考慮當初自己搵工和辭職的原因，在次留下未必是好事，着事主應該再搵工，指：「走啦！咁樣留得低，到最後都畀人玩到再辭工。到時再補多句『又辭工呀？』你咪仲冇癮，走罷啦！」、「都係一個機會畀你重新搵過份更好嘅工，有能力嘅怕咩出去搵？當日想走去搵工一定有原因！」
如果你是事主，你又會怎樣抉擇呢？
延伸閱讀：【中秋節】同員工歡度中秋 一個果籃50人分 網民：原來真係有五餅二魚…
延伸閱讀：【職場熱話】同事成日話公司衰 勸喻大家早走早着 但自己十幾年都仲喺度…
延伸閱讀：【職場熱話】打工仔嘆返shift好難約朋友 網民：唔通返shift等於斷六親？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!