Next
【見工面試】見工被問過最廢嘅問題係咩？網民：點解嚟見工？
【見工面試】見工被問過最廢嘅問題係咩？網民：點解嚟見工？
2022-11-08
求職者見工面試一定有被問過一些難以理解，不過又很普遍的「廢」問題吧？有時覺得面試官都已經沒有理解問題的目的，純粹想看看求職者可以怎樣表現自己，抱着一個「看表演」的心態……
延伸閱讀：【見工面試】航空公司面試 同組有個媽媽級求職者 佢話：我嚟幫個女儲經驗！
有網民在社交平台專頁「扮工室Online」上發文詢問，指：「見工時被問過的垃圾問題？」相信惹起了不少打工仔的共鳴，當面試官問到「點解會嚟見工？」大家都會回嗆一句：「咁點解你叫我見工？」而遇到面試官問：「你覺得你比起其他求職者有甚麼優勝之處？」你應該都會很想答：「我都唔知其他求職者咩水準，點樣比較？」這些問題都真的令人很不爽吧？
即睇網民回應：（按圖了解）
網民：「識唔識換水？」
網民：「1.你覺唔覺得自己條件好差？冇學歷冇經驗（最後咪又係畀offer我）2. 如果你係經理你會點發展間公司？公司出現xx危機又點解決？（我in文員仔喳喎，你想我點？）」
網民：「去見工，個經理話：『你都30幾歲人喇喎，你仲喺度周圍走，你都幾唔定性喎，你大個仔㗎喇，定性啲得唔得？你唔細㗎喇！』但其實我對上嗰份：半年，合約完結；再對上嗰份：8年，因疫情裁員。」
網民：「你覺得點解我哋要請你？呢條問題應該等同問你有咩優勢好過其他申請人，而令HR揀你。」
網民：「佢問我識唔識倉頡輸入法，我話唔識，招聘廣告冇列明要識，佢話招聘廣告要求好清楚列明，我話我拿出你們的招聘廣告看清楚，可能我冇留意，佢即刻話無須要。」
網民：「個 portfolio 你做㗎？」
網民：「『你有小朋友，點解唔照顧小朋友而要搵工？』問我嗰個都係一個有仔女嘅上市公司女Boss，佢仲要係香港一個商介代表，香港經濟變成咁係有原因。」
網民：「點解你要轉工？」
網民：「面試官：你老細知唔知你今日嚟見工？；我：我今日請咗事假；面試官：即是你老細唔知啦，你份人都幾唔坦白……」
網民：「你會唔會為公司付出所有時間空間？我心諗：使唔使叫個客嚟我屋企食完飯、睇埋電視先開單？」
網民：「你為咗呢份工作準備咗啲咩？ 我心諗：咪見工囉！」
網民：「1.點解想嚟我哋呢度？2.你經驗唔夠多，人工畀唔到咁高你有無問題？」
網民：「點解會揀呢份工？老實答你為錢？你人工又未必話真係好多，虛偽啲答覺得公司前景好，疫情下講呢啲又太假。」
網民：「『你諗住做呢份工做到幾時？』呢句問得好無禮貌。」
面試是一場表演
「為甚麼會選擇這份工？」、「為甚麼要聘用你？」、「你比其他人有甚麼優勝之處？」這些都幾乎是面試必問的問題，雖然回答的答案都不外乎那些，不過能否捉緊問題的重點，再包裝自己的答案，就是高下立見之處。正如網民所說：「你覺得點解我哋要請你？呢條問題應該等同問你有咩優勢好過其他申請人，而令HR揀你。」
只要謹記面試是一場表演、表現自己的機會，就可以想到更好的答案吧？不過，如果感到面試官不禮貌或有所冒犯，則可以考慮這間公司的文化是否真的適合自己，面試不單是公司在揀人，求職者都在揀適合自己的公司。
延伸閱讀：【見工面試】航空公司面試 同組有個媽媽級求職者 佢話：我嚟幫個女儲經驗！
延伸閱讀：【社會企業】由音樂教育到創辦「好餸」餸菜包 撞板多次但充滿意義
延伸閱讀：【職場文化】發現下屬成日喺辦公時間飲酒 不過冇影響工作 應唔應該出聲？
延伸閱讀：【心理測驗】一張圖測試你適合做咩類型工作！專業人士？老闆？打工仔？
最新專訪片︰
智將情侶Cherry李星熲 離開100毛往外闖做Slash創業：「我以前真係好怕醜！」
Look out for further updates on our Facebook fan page!
Follow CTgoodjobs for the latest career news, hot topics and recommended jobs!