【見工面試】被HR約見面試 期間不停被指唔夠資歷 網民：不如主動講OOOOO！

常有HR指求職者千其百怪，但其實有不少網民分享，不少公司的HR都非常奇特！這次有網民在社交平台專頁「奴工處」上投稿分享自己的求職面試的經驗，指有很多HR的要求都很無理，大家又遇過怎樣的奇怪見工經歷呢？

延伸閱讀：【辭職學問】辭職信使唔使講原因？唔通真係一句：頂唔順你哋所有人？

網民以「係咪我太耐冇見工？而家見工咁奇怪嘅？」為題，分享道：「今年我離開咗間恐怖公司後，一直尋找新工作，到目前為止都見咗15份，可謂見盡奇怪事情！包括唔適合又叫你去見，唔請你又要拎你身份證副本，又要拎相，有時我懷疑自己是否太耐冇見過工……」而這一經歷，又帶起了兩位網民於網上的對話，分享其他奇怪見工經驗！

即睇網民回應：（按圖了解）

+2

+1

網民A：「最可愛，真係有部份一上到去就話你唔適合、唔夠資歷，差啲以為自己冇send CV畀佢！」

網民B：「我會扮無知問佢：『咁你又叫我上嚟嘅？』」

網民A：「我有問，佢唔答我，繼續講你唔適合！然後補多句要減你3000蚊預期。」

網民B：「跟住你有冇同佢講：『 唔，我諗今日interview到𠵱度喇！』」

網民A：「即刻起身走咗！」

不少網民都覺得由求職者主動說：「我諗今日interview到𠵱度喇！」來完結對話十分搞笑，不過其實如此浪費求職者時間的HR大有人在！

繼續睇其他網民的分享：（按圖了解）

+12

+11

網民：「我試過表面好好，就晒我嘅要求放工先上去見，點知要做3粒鐘written test，個hr係唔等我做完，叫我擺低份嘢自己熄燈走，佢第二朝返去收。」

網民：「好多公司負責見人嘅，或者HR以為做呢個位就識，事實係唔識睇CV揀人，亦唔識見人問啱問題，去判斷邊個人是同職位配對。即如升職做到主管位，實務上係會好叻，但管理督導未必，無經歷過又無訓練如何勝任？」

網民：「有啲要寫屋企人做咩職業、電話、姓名……」

網民：「相同副本，一係唔畀，一係就話無帶，除非入職。」

網民：「以我豐富嘅見工經驗嚟講，乜都有可能，試過有次傾咗個幾鐘，又講到間公司有幾好幾等人用，最後等消息等到而家。」

網民：「試過下午4點去見工，見到差不多晚上7點先走得，做咗6份Test都係唔請。」

網民：「我試過一份工見五次（某上市電子公司）頭三次都係 group interview，第四次係純出氣，講啲後生幾唔捱得點點點，第五次我已經係一心陪佢玩到底，請咗我之後兩星期轉咗工。」

網民：「查實相同身份證copy我就唔會畀，大多數最尾真係簽約前先畀。間間都係要，畀得幾多。同埋都係私人嘢，點知佢拎來做咩。」

網民：「有啲程序係老闆叫到，我個間細公司都係咁，咩都要copy一份存檔，但之後成份資料畀高層佢哋揀，佢哋又唔睇。幫高層面試真係好浪費時間，明知佢哋唔啱份工都要見咗先。」

網民：「我近一年見咗十分工以上，得三成感覺係正常，有七成係古古怪怪。遇到最多係對方似乎唔係好知自己想請咩人，結果咩人都叫上去見下。有一份見工時對方不斷問我sales上嘅嘢，問我有無客帶返嚟，可唔可以幫公司搵到生意，但我in個位係QA；有一份問我有冇帶小學畢業證書。（工作超過二十年）；有一份上到去in先話另一個post覺得適合我多啲，會唔會見另一份。」

好好保護自己的個人資料
有不少網民都遇過明明都不打算錄用你，但卻要求你交予身份證副本及證份相的公司，有網民表示不必一定配合，並指：「相同副本，一係唔畀，一係就話無帶，除非入職。」、「大多數最尾真係簽約前先畀。」

亦有網民指，有公司更會問及父母的職業、電話和名字，這似乎過多的資料，亦未必一定要填寫。我們都應該好好保護自己的個人資料，衡量哪些必需填寫，不必透露過多的資訊。

延伸閱讀：【辭職學問】辭職信使唔使講原因？唔通真係一句：頂唔順你哋所有人？

+12

+11

延伸閱讀：【見工面試】面試官講呢5句說話 可能代表今次冇你份了…

延伸閱讀：【NGO熱話】社福機構請文員 但要識拍片、剪片 人工仲要只係得⋯

延伸閱讀：【職場文化】網民大數日資公司文化差異 連喺位工作都要保持微笑？

⏩⏩  需要請人？立即刊登招聘廣告！  ⏪⏪