Next
【見工面試】求職者見工想帶埋細佬過嚟 同HR講：佢啱啱畢業 想畀佢體驗一下
【見工面試】求職者見工想帶埋細佬過嚟 同HR講：佢啱啱畢業 想畀佢體驗一下
2024-12-02
見工面試，不論你是求職者還是面試官，見過的人都總是千奇百趣，相信大家都有不少難忘的經驗吧？如果有求職者向HR要求，多帶一位陪伴者同行面試，大家又會覺得怎樣呢？
延伸閱讀：【職場文化】女同事公然「姣」上司 好心提醒有流言蜚語 佢竟然話……
有任職HR的網民在社交平台專頁「全職獵人FullTime Headhunter」上投稿分享，指自己最近遇到一位挺特別的求職者，他想多帶一位陪伴者來面試，並不是因為想壯膽，而想要讓他觀摩一下真正的見工面試現場……如果你是HR，會怎樣做？
即睇事主分享及網民回應：（按圖了解）
HR投稿：「今日有位求職者同我講：『我後日嘅面試可唔可以帶埋我個細佬過嚟，佢啱啱畢業，嚟緊會搵一啲相關嘅工作，我想佢坐喺度聽吓我點樣介紹自己、體驗一下面試。佢唔會出聲，你當佢隱形就得。』」
網民：「呢個行為只會令人覺得唔成熟，即係倒自己米，大大降低見成工機會。」
網民：「好warm，但唔啱規矩，自己喺屋企同細佬練習好過啦。」
網民：「HR唔會當佢隱形。」
網民：「我會覺得反感囉，你當公司係咩嘢？」
網民：「首先你細佬真係識隱形先好過嚟。」
網民：「請咗細佬唔請佢咁點算？」
網民：「如果我係個細佬，我會好感激有呢種大佬。 而如果我係HR，我都會appreciate 佢有心將經驗傳畀其他人。」
網民：「呢啲嘢喺屋企教唔得？第時見客傾生意係咪可以帶埋細佬去？」
網民：「體驗唔係第一身有咩意義？」
網民：「幾可愛，大哥照顧細佬，但問得出咁嘅問題，證明係fresh grad，不過呢款人請得過。」
網民：「咁你係屋企in喇，你自己問自己答，當in咗，記住答好啲，阿細佬先有經驗拎到。」
網民：「HR：細佬，唔好啦，細妹就可以考慮，send你細妹張相來睇睇先。」
網民：「自己偷偷哋錄音算啦！」
網民：「咁錫佢？你應該自己開公司，再請細佬做director。」
延伸閱讀︰【轉工跳槽】應否放棄Bonus辭職？打工仔嘆：精神壓力大，成日做到喊⋯⋯
是「無理」的要求嗎？
有網民覺得事主的行為其實是很暖心的行為，指：「如果我係個細佬，我會好感激有呢種大佬。 而如果我係HR，我都會appreciate 佢有心將經驗傳畀其他人。」不過實際歸實際，見工面試是個人的求職活動，亦是需要表現自己的專業及對公司的尊重，有網民覺得事主帶同細佬出席，似乎視面試一事很兒嬉，「我會覺得反感囉，你當公司係咩嘢？」有網民亦表示：「呢啲嘢喺屋企教唔得？第時見客傾生意係咪可以帶埋細佬去？」
其實面試的經驗都是靠實戰得回來，觀摩所得的效果，其實在屋企練習時都不相伯仲，有網民指：「體驗唔係第一身有咩意義？」所以還是鼓勵事主的細佬自己去面試好了，而事主還是保持自己的個人專業比較好。如果大家是HR，會因此而欣賞事主，讓他帶同細佬面試，還是直接拒絕他的請求呢？
延伸閱讀：【職場文化】女同事公然「姣」上司 好心提醒有流言蜚語 佢竟然話……
延伸閱讀：【學歷比拼】同事碩士畢業 人工只得15K 網民：有學歷唔等於有能力！
最新專訪片︰
【星級斜槓族】林正峰入行後不放棄社工身分 兼職老人院工作 盼盡一己之力關心社會 賺取穩定收入
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!