【見工面試】期望薪酬係齋talk？打工仔嘆與實際收入大有出入！網民反問：你第一次返工咩？

進行職位招聘時，公司普遍會要求求職者填寫個人資訊，以及個人期望薪酬，從而了解對方是否適合相關崗位。假如公司決意聘請特定求職者，是否代表他們能滿足對方的期望薪酬？

有台灣打工仔在網上討論區Dcard大吐苦水，指撰寫的理想薪酬與公司提供的實際收入差別很大，網民不禁反問事主：「你第一次上班嗎？」

點圖了解更多事主分享：

+19

+18

事主：「係咪所有工作體系都係咁？我3月底嗰陣去咗一間公司面試，我填咗個人基本資料，當中包括「期望薪資」，見公司喺求職網站上面寫薪酬待遇係32,000至35,000台幣（約8,171至8,937港幣），於是我就填咗32,000台幣（約8,171港幣）。

到後面面試，老闆娘話喺社會返工唔容易，話我寫幾多就包幾多。嗰吓我冇多問呢個錢係包唔包獎金，老闆娘自己都唔知，只係知有全勤獎金同勞工保險，所以就叫我出去同個HR傾。

最後想問薪酬結構嘅詳細資料，發現HR唔喺度，最後佢都係冇同我講清楚；後續返工嗰陣，同HR傾開偈，佢先發現原來$32,000（約8,171港幣）係包埋職位獎金嗰啲，我忍唔住話：『點解見工嗰陣唔講$32,000係咪包晒！』個HR竟然同我講：『所以我而家同你講』吓，乜咁都得？

後來個老闆娘同HR一齊見我，佢就出語言藝術，話全勤獎金係3,000台幣，包喺當初講個金額度，唔係全勤的話，會按比例去扣。佢哋仲勁堅定同我講，正常公司講嘅薪酬，已經係包晒所有獎金同全勤獎金，唔係講緊底薪。到4月我放過一次病假同生理假，發現自己拎嘅人工係29,000台幣（約7,405港幣），因為未拎到糧單，唔知畀人扣咗乜，只係覺得一切都好荒謬。」

網民回應：

A/你認知有錯誤，唔需要覺得荒謬。期望薪酬本來就係你希望拎到嘅人工，至於公司嘅薪酬結構，你都要傾人工嗰陣了解埋。大部分有，全勤嘅公司多數都係包含喺你人工入面，只係好少數公司會將佢獨立，當成額外獎金。

B/你係咪第一次返工呀？其實你請得假就預咗得呢個數，都有苛扣你啲錢。台灣公務員寫話拎32,500台幣（約8,298港幣）其實喺新制請假，都係拎2,9000（約7,405港幣），所以你哋公司冇問題。

C/係全包呀，啲工都係咁，你可以唔做了。

D/所以講人工嗰陣要問清楚，唔好嘅公司太多。

E/你都離譜啦，正常人都會問清楚先決定要唔要入間公司。

F/正常，同你講3萬台幣（約7,660港幣），點都冇可能係高過呢個數，只會係低過。

G/細公司咁做都好普遍，有人工畀算係咁。

H/早知寫多啲！

I/人工寫高啲，如果對方鍾意你，會嚟同你傾價錢，面試官仲會爭取用多少少錢留人，反正你寫多啲冇蝕啦！

網民普遍都認為事主遇上的實屬正常事，全因期望薪酬的數目是包括不同的部分（如香港的薪金，部分為強積金供款），打工仔並不會收到實數。有人指事主是自討苦吃，全因他在未有問清楚薪酬的部分組成，就已經接受Offer。雖然公司在這件事上，未必是處理得很好，但事主在這方面亦有責任。建議各位求職者要問清楚好奇的地方，否則就會遇上與事主相似的慘事。

應該怎樣爭取合理人工？（點圖了解更多）

+9

+8

即睇網民教路撰寫預期薪酬！

+7

+6

延伸閱讀：【職場英語】7大職場用語你要識！「Chair a meeting」、「Reshuffle」又點解？
延伸閱讀：【職場理財】自覺理財不遂 有可能理財能力比想像中好！5個理財指標 判斷財務健康與否！
延伸閱讀：【職場溝通】到職1周被上司「照肺」 全因1個理由！打工仔：點解要請我？
延伸閱讀：【職場文化】同事學歷低、工作少、年資少 但人工竟然高過自己！

最新專訪片︰

【CEOTalks】肯定員工努力 願意堅持終能獲得成功 譚仔國際行政總裁劉達民：中途放棄的話 永遠未能欣賞山頂的風景

⏩⏩  需要請人？立即刊登招聘廣告！  ⏪⏪