Next
【見工衣着】求職者面試被HR嫌着得太Formal？事主：估唔到HR只係着T-shirt牛仔褲
【見工衣着】求職者面試被HR嫌着得太Formal？事主：估唔到HR只係着T-shirt牛仔褲
2023-07-14
大部分求職者面試時都會穿着較正式（Formal）的服裝，以示對面試官的尊重。不過隨着時代變遷，見工的衣着要求變得更隨意（Casual）嗎？最近有打工仔在討論區分享一次面試經歷，事主竟被HR好心提醒其打扮，令她有點不是味兒。究竟事主穿了甚麼衣服面試呢？
按圖即睇事主分享：
事主：「今朝去見工諗住見文職著得正式少少，裇衫加黑色長裙太熱真係着唔到外套。上到去填完Form，HR入嚟見到佢由頭望到我落腳，以為佢欣賞我着得正式。去到臨尾嗰陣佢話：『如果第時你嚟返工你打算都係咁樣著返工？公司雖然冇衣着限制，但係着到咁正式其他同事可能會覺得你好奇怪。』邊有人返工會咁樣着喎，但係HR咁講係咪代表而家啲HR唔太鍾意見工着得咁正式？因為HR自己都係T-shirt牛仔褲……」
網民意見：
網民A：我每次見工都會着正式啲，之後返工跟大圍隨意就可以。
網民B：如果你去工廠區，就真係誇張咗啲，你去甲級寫字樓就真係要咁。
網民C：見工着Formal啲好正常，等陣着得求其又畀人話唔尊重。
網民D：間公司衣著Casual啲咪仲好，而家係人做嘢，唔係啲衫做嘢。
網民E：收到HR電話話有Interview時就問埋人哋公司Dress code，例如男嘅去見工，個男老闆都唔打呔，你仲全套西裝打呔就Over咗，反而仲冇咁好觀感。
網民F：去見工首先要知道地點和甚麼樓宇，工業大廈、商業大廈、或是甲級寫字樓，從而配合衣着和服飾。
網民G：係人第一日返工都會着得Formal，見到唔對路都識得自己調節，使鬼佢咁多口咩？
網民H：見Office工一定要執正啲，了解過間公司嘅Culture先有所改變，個HR咁講冇質素，最多提吓公司Dress code係Casual，無需講到令人難堪。
網民I：Smart causal就夠啦，除非係好專業行業。
正所謂「人靠衣裝」，穿着得宜可以給面試官留下良好的印象，提高求職者的信任度和成功率。下面將介紹6個見工面試的穿搭貼士，幫助求職者在面試中穿着得體和專業。
有調查發現過半數打工仔認為正式的商務服裝已過時，他們更注重衣服的舒適度及休閒感，令Business Casual成為職場潮流衣著。究竟Business Casual和Smart Casual有什麼分別？以下為大家整理了幾個穿搭要點。
炎炎夏日，打工仔要穿西裝上班猶如焗桑拿，未走到公司已出汗。如果想舒適、清爽地在夏天穿西裝返工，你可以參考以下貼士。
延伸閱讀：【銀行見工】銀行投行面試著咩最好？全黑西裝戴名錶會出事？一文睇清銀行面試男士10大衣著貼士
延伸閱讀：【職場衣着】打工仔呻返工只着幾套衫替換被笑 網民︰返工有靚仔靚女另計
延伸閱讀：【求職攻略】見工衣服顏色影響被取錄機會？原來HR最鍾意這種顏色⋯⋯
最新專訪片︰
【HR Guru】疫情影響僱主價值主張？宏利香港及澳門首席人力資源總監盧凱欣：做HR要情理兼備
Look out for further updates on our Facebook fan page!
Follow CTgoodjobs for the latest career news, hot topics and recommended jobs!