【見工禁忌】離職原因點答先啱？求職者太誠實答2大理由即被篩走！網民：呢啲答案真係唔講得

CTgoodjobs 編輯部

出版： 2025-08-12 09:15

更新： 2025-08-13 09:20

在香港競爭激烈的職場環境中，許多求職者視面試如同一場精心演繹的戲劇，認為每一句回答都可能左右錄用結果。尤其是涉及離職原因這一敏感話題時，不少人因過於誠實而不慎觸碰「雷區」，最終被HR拒之門外。近日，有網民在Dcard討論區以「面試係咪唔可以太誠實？」為題發文，分享自己因過於坦率而遭HR批評的親身經歷，引起廣泛共鳴。

求職者太誠實答2大理由即被篩走？

+30

+29

樓主：
面試係咪唔可以太誠實？同HR面試嗰陣，佢問點解離開上一份工，我直接話公司遲出糧同制度唔透明。最後HR話我太誠實，咁係咪即係唔好？係咪應該當面試係考試，每個問題都有標準答案？

網民A：
根據我見十幾間工嘅經驗，講前公司唔好，例如上司、同事、環境嘅都冇offer。後來我改口話「想去更大公司見識」同「想個人有更多成長」，而家喺大公司做緊。唔係要講大話，係換個表達方式。

網民B：
面試最荒謬嘅地方，就係明明大家都知你講緊大話，但佢哋就係要聽啲心目中答案。

網民C：
批評前公司係大忌，保重。

網民D：
好兩極，有HR鍾意聽真話，有HR憎。我多數講真話都拎到offer，嫌你真話嘅公司多數都唔係好嘢。

網民E：
冇事㗎！你表現出「誠信正直」嘅人格，好多公司正需要你咁嘅人去發現問題。

網民F：
換個角度諗，如果因為咁唔請你，你仲會想入呢間公司咩？

網民G：
面試就係演戲㗎咋，加油！

網民H：
面試時話「多謝前公司栽培，想去更國際化公司發展」；入職後，而家個上司最鍾意聽我講前公司有幾癲嘅故仔。

網民I：
我覺得講「遲出糧」已經夠，打工仔都明。但「制度唔透明」就唔好提喇。

網民J：
你講嘅缺點可能正正係呢間公司都有嘅問題，HR心照唔想害你。

網民K：
面試根本係吹水大賽。

網民L：
雖然批評前公司係大忌，但你講嘅理由其實唔算過份。反而個HR話你「太誠實」先有問題。誠實係美德，雖然好多人冇。換個角度諗，入唔到可能係好事，公司文化先最重要。

網民普遍認為面試時談論離職原因需謹慎表達，避免直接批評前公司或上司，以免給HR留下負面印象。大家建議以較正面、策略性的說法，如追求更大發展平台或個人成長來替代真實負面原因，令回答更合乎「面試演戲」的遊戲規則。不過，也有聲音支持誠實面對，認為誠信是重要美德，且可幫助求職者找到更適合的工作環境。許多網民認為，面試本身如同一場「吹水大賽」，HR常期望聽到理想答案，現實與誠實之間存在矛盾。有人提醒，如果因誠實而未獲錄用，或許該公司文化並不適合自己。

延伸閱讀：【GenZ面試】00後見工潮語頻出 HR當場大黑面網民：Old Seafood要接受新時代！

+26

+25