【行業辛酸】呢幾個行業輪班制中秋節無假放？Shift Duty好定壞！

2020-09-30

中秋節快樂！雖然中秋節是本港法定假期，但依然有好多行業的打工仔，不能在正日當日放假，特別是永遠站在前線的醫護人員，這段時期辛苦你們了！在你們眼中，採用輪班制 (Shift Duty)的又有甚麼行業，他們返晚放早的生活又如何？讓我們一起了解輪班制人員的辛酸吧。

延伸閱讀︰【勞工法例】了解僱員休息日返工補償制度補水可代替補假？

延伸閱讀︰【中秋節】老闆要求員工放假期間工作原來提前OO小時通知就得

前線記者︰「好耐無同家人正日慶祝」
前線記者經常早出晚歸，工作不定時，幾乎無機會可以節日的正日放假。現任某傳媒、現入行5年的前線記者阿Bi，接受訪問時表示自從做記者後，甚少可以和家人慶祝節日，她說︰「其實紅假就係得咁多，全組人要輪住正日放假，有幾何可以真係放到，唔好話聖誕、新年，中秋、端午節呢啲節日我都好少機會正日放，見到身邊啲朋友往年成日出街玩，約埋去Party Room、打邊爐咁，次次我都Join唔到，好似無Friend咁…」

保安︰「搵食緊要過慶祝啦」
至於年過50歲的某屋村叔叔，接受訪問時就話已看開了，他說︰「都咁老啦，慶乜祝呀，求其同屋企人食餐飯咪算囉。而家咁老其實好難搵份工架啦，我求咩？求三餐有得食架咋，其他嘢唔諗啦！」

餐廳侍應︰「其實節日返工仲好」
在尖沙嘴某餐廳任職侍應的李先生，與之前兩位受訪者的看法截然不同，他認為輪班制比平日朝九晚五好處更多，他說︰「返朝九晚五嗰啲，日日逼車逼到癲，而家我返工嘅時間同一般人唔同，搭車方便好多，講到有冇得放紅假，其實紅假出面人咁多，食飯又要等位，商場又多人，放平日人少啲仲好啦！」