【職業路向】老師薪酬「Overpaid」？網民兩極意見：有埋AI以後變唔洗Pay啊！

CTgoodjobs' Editor

Published: 2025-05-27 11:46

Updated: 2025-05-27 12:09

香港教師薪酬體系具有明確的薪級表制度，根據教師的職級、學歷及工作年資，薪酬會有相應的調整。2025年最新的薪酬資料顯示，香港中小學教師的起薪點約為每月35,080港元，這是指持有學位的助理小學學位教師或學位教師的起薪水平。

香港教師主要分為四類：常額教師、合約教師、公務員教師及文憑教師。常額教師屬於學校編制內，享有較穩定的聘用保障，試用期兩年後基本可視為「鐵飯碗」，薪酬依照教育局的薪級表調整，資助學校多屬此類。合約教師則以一年一簽形式聘用，薪酬不一定遵循薪級表，續約與否視學校決定。公務員教師在官立學校任教，享有公務員待遇。文憑教師學歷較低，薪酬相對較少，且新入職教師多以學位教師為主。

網民在網上討論平台「連登」上以「點解仲會有人話老師Overpaid」為題發文指雖然現時教師的起薪點為3.5萬，但對比香港高企的生活指數根本不足掛齒。網民更指出老師的責任重大而且需要負責的工作內容奇多，請事假的機會少之又少，加上周末也有可能要OT，且「教書永遠無Bonus」！帖文引來一眾網民熱議，部分網民持兩極聲音。

睇吓網民對教師薪酬水平有咩意見？（按圖了解）

+16

+15

事主：我真心唔知道而家喺香港教書起薪點係3.5萬。但我覺得香港嘅消費高咗咁多，3.5萬真係一啲都唔高。

你試吓教一日書？試吓爛聲？試吓一班幾個SEN？試吓做埋行政？試吓要追數攞獎衝成績？試吓要訓練學生比賽？試吓將啲禮拜六日都攞埋嚟返工搞課外活動？試吓紅白二事最多都只係得兩三日假？試吓終於放暑假可出埠，永遠機票都貴兩三倍？同埋教書永遠無bonus！你就知道3.5萬絕對唔高。

網民A：AI年代就嚟，唔係Underpay！係唔使Pay！

網民B：有啲人工教師仲多過外國大學教授！唔係Overpaid係咩？

網民C：呢個世界有咩工係唔辛苦？老師加薪穩定，人工跟年數升。唔求升職教做多幾年就七八萬，可以話未來充滿希望。

你以上列明嘅工作大多數都係兼任主任做，好似我高中班主任兼任輔導主任但係佢6年就升主任，所以多嘢搞。你要升職，要人工高，4萬跳8萬你怪咩辛苦？

網民D：個制度要改，唔可以唔升職而有十幾年嘅增薪點！等啲無能力同無心教書嘅人早啲轉行，唔好因為人工高留喺度誤人子弟。

網民E：望吓外國教師人工，再比較當地物價咪知囉！

網民F：話唔係Overpaid嘅不如你又試吓一年得7日大假無暑假放先！

網民G：你話捱貴機票，其他行業嘅人有小朋友嘅一樣呢個時間去旅行咋！工作強度嚟講，教10年書都係教返一樣內容，有咩咁辛苦？

網民H：學校咁多假期，加上暑假，咁都話唔夠假期？仲攞白假及紅假比較？

網民I：其實起薪點3.5萬唔算Overpaid嘅，但躺平唔升職都可以跳薪酬點就過份啲！其他工種，你唔搏升職邊有加人工？

網民J：我覺得人工唔算好誇張，但香港殺咗1／4校，老師職位都不保！

網民K：咁少人入行，就說明咗教育呢行嘅待遇唔吸引囉！

教師薪酬是否「Overpaid」並無明確定論，因為薪酬水平需與生活成本、工作強度、社會期望及職業發展機會等多方面因素綜合考量。教師作為塑造未來社會的重要角色，其薪酬與待遇應反映其專業價值與責任。然而，政府及教育界制定的薪酬點亦是對教師工作的支持與認可，完善薪酬制度與職業晉升機制，確保教育質素與教師福祉雙贏，為香港培育更多優秀人才奠定基礎，作育英才。

延伸閱讀：【裁員潮】女性工作被AI取代風險是男性3倍　聯合國研究︰這類職業受影響最大

+13

+12