Next
【職場辛酸】放完產假工作報告被評D級 事主：搵平機會告唔告得入？
【職場辛酸】放完產假工作報告被評D級 事主：搵平機會告唔告得入？
2023-02-03
香港勞工法例對孕婦的保障是否全面仍有待商榷，雖然本地因懷孕而遭公司刁難的例子屢見不鮮，但至少仍會得到勞工法例的保障。有網友就在連登發文引起討論，指自己放完產假後回歸工作，在審閱工作報告時得悉上司竟因為自己曾放產假而將評分評為D級。眼見本來不過不失的評估報告因為放產假關係而被「加鹽加醋」，慘被職場歧視、手握投訴主導權的事主對此又會作何對策？
按圖了解事主睇法：
事主：最近同上頭傾吓份Appraisal，見到啲細分全部都介乎喺B同C之間。
事主：個上司跟住加咗句「因為你放產假，所以變咗D」，我當堂嚇咗跳，然後得啖笑。
事主：我有錄到音，佢講到明「放產假係有影響」！
事主：唔知去邊度投訴佢好呢？搵平機會告唔告得入？
即睇網民回覆：
網民：邊個Appraising Officer咁蠢，寫得咁直接⋯⋯
網民：咁你放假無做過嘢都有糧出係咁㗎啦！唔通你考試請病假都畀正常分你咩？
網民：我同事老公寫個B畀個FG下屬，都被個下屬阿爸阿媽投訴到癲。寫D畀你個上司應該同你血海深仇。
網民：如果細分全部都介乎喺B同C會被到位你投訴，咁下次細分都寫D⋯⋯
網民：D都寫得出，要解畫寫文㗎喎！邊個上司咁唔妥你，要玩埋自己？
網民：佢夠膽寫到咁白，你咪告佢囉！送佢一程成全佢。
網民：細分全部BBCC，點砌個D出嚟？咪鬼簽啦！
網民：如果佢咁寫就直接去告佢啦，繞過去去平機會又或者申訴專員公署又得。
有關產假法例一覽
根據勞工處法例，只要僱員在所訂定的產假開始前已按連續性合約受僱滿40星期、向僱主出示證實懷孕的醫生證明書，及遞交醫生證明書說明其預產期，便可享有14星期的有薪產假。而如果懷孕僱員按照連續性合約受僱，並已向僱主發出懷孕通知，僱主則不得在僱員懷孕之日起至產假結束期間解僱該僱員，除非僱員犯下嚴重過失而被即時解僱或未能通過僱傭合約的試用期。
若僱主解僱懷孕僱員即屬違法，一經檢控及定罪最高可被罰款10萬元。此外，僱主必須在終止合約後7天內支付解僱代通知金、相等於1個月工資的賠償款項，及14星期的產假薪酬給僱員。
即刻按圖了解更多公務員職場辛酸。
延伸閱讀：【生涯規劃】考咗3次ACO都失敗 事主究竟衰喺邊？
延伸閱讀：【職場熱話】 政府工是一世無憂？網民盤點公務員的「3無2差」
延伸閱讀：【住屋問題】公務員為公屋死慳死抵 母親牙痛無錢睇 卻超過入息上限？
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!