【職場辛酸】打工仔呻引入KPI後猶如冇假放　網民：根本就係壓榨工具

銷售人員對KPI（Key Performance Indicators）一定不會感到陌生。所謂KPI，中文翻譯為「關鍵績效指標」，意即工作成效的標準或目標。企業主要透過銷售所帶來的收入維持營運，所以銷售團隊成員通常需要「跑數」達致KPI。

KPI的應用範圍不斷擴展，即使與銷售無關的職位，如開發員、公關人員、編輯等，近年也加入「跑數」行列。最近，社交媒體專頁「奴工處」有一投稿，該名打工仔控訴其公司引入KPI制度後，壓力隨即飆升，更多名網民留言狠批KPI應用模式。

延伸閱讀：【職場文化】每周工作55小時 中風風險增加35% 邊類群組最危險？

即睇事主分享及網民回應：（按圖了解）

+13

+12

事主：而家公司好鍾意行KPI定員工價值。眼見同事由朝做到晚，星期一到星期日喺group度提夠唔夠數嘅時候，我開始懷疑KPI係咪真係咁有用。亦自從有KPI嘅存在，感覺上好似冇放過假咁。

網民：KPI對你有冇用？係冇用。KPI對公司有冇用？有用！
網民：KPI除咗sales之外係完全冇用。
網民：咩鬼KPI，Kill Person Index？
網民：Meet到個KPI又點？佢又會掉無限個KPI壓落嚟，或者不斷調高……
網民：KPI根本由老細自由訂，同表現冇好大的關係。
網民：KPI本身冇問題，問題係定KPI嗰個人啫。
網民：KPI咪就係要你唔放假！
網民：其實直接將工時變996就得。
網民：KPI根本就係訓練奴隸用途，支持嘅人唔係老細就係奴性重嘅人！
網民：好多年前香港某些老細咪又追捧又學什麼五常法呀，什麼九型人格呀，呢啲只係見客吹水用啫，講到尾所有嘢都係業績話事。
網民：喺華人手上，任何嘢都會變做壓榨神物。
網民：香港啲老細通常都係亂用KPI，實質亂咁嚟，將KPI變成毫無效益、並非結果導向既微觀管理。
網民：KPI喺外國點解會有用呢？係因為本身佢哋舒適慣，輕鬆慣咗，咁要提升佢哋嘅輸出到合理水平，就要有KPI畀個目標佢。但香港其他打工仔，本身已經做到隻狗咁，有返工無放工，再去定KPI，即係連瞓覺放假都無埋。同一樣嘢唔係度度都適用，好多人唔明呢一點。

KPI被誤用？ 網民：唔係每個地方都適用

眾多網民感同身受，同情事主遭遇，認為香港企業訂立KPI猶如剝削員工。多個留言痛斥KPI猶如無底深潭，即使達標也好，老闆和上司會不斷加辣，「掉無限個KPI壓落嚟」。

某些網民提及，KPI適用於外地工作悠閒的地區，「因為本身佢哋舒適慣，輕鬆慣咗」，需要靠KPI管控產出水平；但香港工時長、壓力大，設立KPI只會更添壓力，令打工仔在連睡眠、放假的時間也要顧及公事。此觀點獲得多人讚好。

另有些人表示，能否有效實行KPI取決於企業態度，「亂咁嚟」只會導向微觀管理（Micro-management），不能有效提升生產力之餘，也損害員工士氣。一些人認為，華人勤力本性可令「任何嘢都會變做壓榨神物」，更有人斥責香港企業的KPI制度旨在用於「訓練奴隸」。

從網民反應可見，不少人痛恨KPI制度。企業如打算制訂KPI時，應考慮僱員承受能力與目標的合理程度，更須考慮該職位是否適合用KPI管控，否則只會增加員工對企業的不滿。

KPI經常令人返工壓力爆煲！即睇以下9種方法紓緩工作壓力！（按圖了解）

+22

+21

現職頂唔順，應否換新工？出現以下8個徵兆話你知係時候轉工！（按圖了解）

+22

+21

延伸閱讀：【轉工跳槽】新工似伏工點算？5個方法應對失望心情

延伸閱讀：【職場熱話】女上司情緒反覆難相處 事主：突然聽到佢間房有巨響⋯

延伸閱讀：【職場熱話】季尾上司大聲怒斥追KPI失敗　一件事令上司反要送禮道歉

⏩⏩  需要請人？立即刊登招聘廣告！  ⏪⏪