Discovery Feed is launched!
【職場禮儀】老細話有嘢要改 新人同事成日都答：得閒先做！
CTgoodjobs' Editor
不少初踏職場的新人，可能都不太懂得職場禮儀，可能一直都只習慣與家人和同學相處，所以不太懂得職場上應該怎樣經營人際關係吧？不過有人覺得，這根本不關新人與否，是個人有沒有禮貌的問題，大家覺得呢？
延伸閱讀：【履歷表】職業辯論員、高人 即係乜嘢？求職者CV職業title惹討論！
讀者Diana投稿，指自己有一個新入職的男同事，工作能力平平，兼不太懂得禮貌和應對，總是令人感到有點冒犯及不太被尊重，大家初初以為他是剛畢業，所以對他有所容忍，不過原來他已經工作了四年，都仍是不太懂得待人接物，實在很難相處……
即睇事主分享及網民回應：（按圖了解）
事主：「公司幾個月前嚟咗個新男同事，佢工作能力同態度都只係一般，我哋大家以為佢啱啱畢業，啲嘢未上手先會咁，所以諗住先容忍一下，耐心咁教佢做嘢。不過發現好多時都唔係太識禮貌，啲對答成日都令人唔係好舒服。
好似同事同老細有時話佢有啲文件做錯咗要改，唔算好急但都唔係可以等太耐，佢一定係答：『好，我得閒先改！』然後繼續做啲唔係太需要即時處理嘅輕可工作……你話係我哋要求佢加嘢、改完又改就話啫，我都冇理由要人即刻交，不過係佢自己唔小心做錯，都可以咁斯斯然兼一句sorry都冇，好似唔係幾好啫。
得閒先做，好似你係大少咁，連對老細都咁講嘢，真係都幾勇。唔單止呢次，有時佢搵錯資料，我哋話返畀佢知呢啲資料唔適合，佢就會答：『好，你唔鐘意呢啲，咁我再搵過！』吓？我唔鍾意？唔係我鍾唔鍾意呀，係你自己搵錯嘢，唔啱用！咁講嘢真係令人唔嬲都突然火冒三丈！我鍾唔鍾意又冇乜所謂，你又唔係serve我！我咁同佢講完，佢仲一副『whatever』嘅態度……
下次都係由佢做錯算，唔想再同佢溝通。」
網民：「有啲人真係唔係好識講嘢……
網民：「開口夾着脷，我覺得要睇吓佢係咪有心咁講。」
網民：「連基本會話都要人教，你話軟技巧真係幾重要，語氣差啲就真係得罪晒公司啲人，之後實冇運行。」
網民：「係我就由佢錯算，自己做錯都唔即刻改，都幾大膽呀！」
網民：「可能佢當打份hea工，如果再錯，就由佢畀人炒啦，唔好幫佢了。」
網民：「做咗幾年嘢都仲係咁，係佢個人唔識溝通。」
網民：「其實佢係咪社會障礙呀？連基本對話都可以令人發火，原來真係有呢啲人！」
網民：「雖然我都成日覺得老闆話咩就咩啦，佢開心就得啦，但呢個人竟然講埋出口，真係好癲！」
網民：「呢個世代連同人咁簡單嘅溝通都要學，真係心累……」
有咩可以代替「得閒先做」？
事主要求男同事改文件，當然不能要人即改即交，男同事想「得閒先改」其實又不算無理，只是可以更有禮貌地表達，例如回答：「明白，我會盡快改。」、「知道，不好意思，但我現在有事需要處理，我改好讓你知道。」這比「我得閒改」更好吧？
至於男同事回答「好，你唔鐘意呢啲，咁我再搵過」就可以說成：「明白，我會再按要求找找。」、「知道，我之前不太清楚要求，我會再找找。」不要將所有責任推到別人身上，自己要虛心學習，才可以讓大家樂意教你更多，合作亦會更順利。
延伸閱讀：【履歷表】職業辯論員、高人 即係乜嘢？求職者CV職業title惹討論！
延伸閱讀：【見工面試】唔將上一間公司寫落CV 新僱主會唔會check到？網民：除非佢係FBI…
延伸閱讀：【心理測驗】一張圖測試自己有冇揀啱工作！如果喺荒山野嶺蕩失路…
延伸閱讀：【辭職學問】Last Day幾時派散水餅先好？網民提議「散水吉時」係…
延伸閱讀：【職場熱話】男同事次次開會都要人三催四請、工作訊息永遠慢一拍先覆
最新專訪片︰
組合MIRROR、COLLAR填詞人Oscar︰「我好享受辛苦的創作過程」
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!