Next
【職場熱話】6天工作變5天工作 事主：終於知咩叫生活
【職場熱話】6天工作變5天工作 事主：終於知咩叫生活
2024-01-30
工作與生活不可分割，如果工時太長，可能會令自己失去享受生活的時間及精力。為求讓員工達到工作與生活平衡（Work-life balance），不少企業都落實5天工作制，不過仍有部分職位要在1周工作6天，可以休息的時間少之又少。
有網民於社交媒體專頁「奴工處」投稿稱，他曾經做過需要6天工作的職位，最後轉為5天工作，坦言是「兩個世界」。
延伸閱讀：【四天工作制】實行四天工作制公司依然運作暢順？ 網民：即係可以炒人
按圖即睇事主點講：
事主：以前返過6日，亦返過長短周，最近一年轉咗份5天工作嘅工，想像唔到以前係點樣返工。如果6天工作，一個月平均返25日工，甚至有時去到27個工作天，你冇睇錯，每個月係會返27日工，唔好彩再加埋放勞工假就大件事。而家5天工作，工作日係20至22日不等，完全係兩個世界。
網民A：其實人真係只適合做4日嘢。
網民B：見到返6日或者5.5日嘅工唔會見。
網民C：返過5日真係返唔到轉頭。
網民D：我以前都試過返5.5日同長短周嘅工；返星期六半晝，基本上時間只係夠執埋之前幾日要執嘅手尾，就真係好浪費生命。
網民E：我而家兼職返 5日，但每日都係返6個鐘，計埋一個禮拜都係做4日嘢，每日都可以早啲返屋企做自己嘢，咁先係人生！
網民F：英國返緊四日！
網民G：喺香港返過啲文職，話就話返5日，但老闆會睇拍卡紀錄，星期六唔加班會有說話聽。
網民H：人工反映出嚟，睇吓自己想要咩。以前返地盤啲工人好鍾意星期日OT，即係全個月冇休息。
網民I：恭喜，但有啲公司已經玩Work from home，完成工作就得，少過5日。
隨著社會發展，打工仔越來越重視「Work-life balance」，因此在家工作、4天工作制等安排，漸漸成為吸引求職者應徵的招徠。不少網民均表示，不會考慮需要一星期工作多於5天的職位，更認為需要工作5天以上是浪費時間。也許這正正反映，對於打工仔而言，選擇工作時都考慮的不止是收入多少及發展前景，更涉及生活品質及身心健康。
按圖了解咩措施對於留住人才冇幫助：
延伸閱讀：【薪酬趨勢】時薪最高達$130？公開20大行業每小時工資中位數！
延伸閱讀：【職涯規劃】6天工作每日9.5小時 犧牲健康與家庭 卻被老闆嫌棄：枉我加人工
延伸閱讀：【求職招聘】打工仔大呻5天半工作周不便 勸喻大家要好好考慮！
最新專訪片︰
【SHE Says】打破職業性別刻板印象 平衡領袖、媽媽身分 滙豐香港首席資訊科技總監Charlotte：我有克服所有困難的自信
Look out for further updates on our Facebook fan page!
Follow CTgoodjobs for the latest career news, hot topics and recommended jobs!