【職場熱話】返工3個鐘即炒！港女做樓面因1特質被指「唔適合」怒斥：黐線！

CTgoodjobs' Editor

Published: 2025-06-23 15:51

Updated: 2025-06-23 15:51

香港就業市場持續低迷，不少企業面臨經營困境，紛紛採取結業或裁員措施，求職者要覓得穩定工作實屬不易。近日，一名本地女性在社交平台Threads發文，分享其求職遭遇：她歷經艱辛終獲聘，卻在首日上班僅三小時後即遭解僱，理由竟是公司認為其性格特質與該職位要求不符。

返工3個鐘即炒？

+27

+26

樓主：黐線香港！而家香港真係有病，我做咗3個鐘頭樓面，佢炒咗我，佢話我太斯文唔啱做樓面。跟住同我講話會將我啲資料遞上去寫字樓嗰邊，會推薦我做文員嘅職位，我唔會信你，你耍我咋嘛，你估我唔知道咩？原來而家斯文都有罪嘅，你叫我做嘅嘢，我已經盡量做好，我只係做咗3個鐘，你想我點樣純熟法？你想我三頭六臂？黐線香港，你估我唔想做文職？文職唔請我呀嘛。

網民A：人哋唔想你難受先咁講，係服務業嘅世界「斯文」嘅真正意思係慢。
網民B：其實做樓面／侍應係講速度，你做嘢快手啲應該ok。
網民C：佢有冇計返一日糧畀你？唔啱做，咪做第二份，唔好嬲。
網民D：香港人要快，炒人都要快。
網民E：試過見文職畀HR話我太靜。
網民F：你要對佢講返呢段嘢佢先知你唔係斯文。
網民G：佢炒咗你就可以有藉口請外勞，成日話香港請唔到人，呢排又輸入21,000個外勞。
網民H：有啲人係要揀人嚟恰，係佢要搵人出氣，唔關你事。
網民I：樓面呢個位即係餐飲，唔使太溫柔，溫柔反而做得慢，所以又要做得快又唔好太誇張太大動作我做過所以我知，你見廚房啲人邊忽溫柔？個個斯文就唔使做啦。
網民J：斯文同唔純熟係兩件事，可能佢覺得你份人真係唔適合呢份工，同你嘅工作能力無關。
網民K：佢要炒你，咩藉口都講得出。我初出社會做文職時，老闆同我講話我太過斯文，叫我講粗口都得喎，其實係佢自己鍾意不停講粗口啫。人都係為自己，別相信歪理。
網民L：有冇諗過話你太斯文只係令你易啲落台，費事講咁白？
網民M：使乜咁火爆，你揀人，人揀你啫。

帖文一出，立即引起網民熱議，有餐飲業從業者指出，樓面工作需要兼顧速度與適度的肢體語言，過於溫婉反而不利工作節奏。多數意見認為，企業解僱理由常流於表面，實則可能涉及其他考量，如藉機聘用外勞或主管個人偏好。另外，亦有人認為職場本是雙向選擇，與其糾結單一事件，不如積極尋找更合適的工作機會。

延伸閱讀：【裁員潮】公司即日炒40人！全部都係50歲以上老臣子苦主崩潰：年過半百已經冇用？

+23

+22