Next
【職場熱話】老闆要求離開公司時出聲 打工仔：準時收工點解要通知你？
【職場熱話】老闆要求離開公司時出聲 打工仔：準時收工點解要通知你？
2022-04-08
普遍僱傭合約皆有列明僱員的上班時間，以五天工作的公司為例，工時普遍為上午9時至下午6時，僱員假若能夠完成手頭上的工作，準時離開辦公室並無不妥。最近，有名打工仔到社交媒體專頁「奴工處」投稿吐苦水，表示自己完成工作後準時離開辦公室，怎料翌日收到老闆訊息要求同事離開時要出聲！
即睇事主分享及其他網民回應：（按圖了解）
事主：公司同事而家好多都WFH，得返我同另一個同事輪流返office做back up。早兩日我已經做完手頭上嘅嘢，好準時咁收咗工，點知老闆18:05分打電話畀我，叫我幫佢喺公司print份文件出嚟，我話收咗工，聽日先幫佢print。點知第2日佢喺公司個WhatsApp group講：「同事如果要早走或離開公司都打電話通知我一聲！」公司而家得我一個人，即係擺明話我啦！我做晒啲嘢準時收工有咩問題？
網民：老細，遲走即係做唔晒啲嘢咋！
網民：咁公司遲到就要扣錢，咁係咪遲走加錢？
網民：我唔明夠鐘收工點解叫做早走喎？
網民：其實呢，老細係從來都唔會睇鐘嘅，佢只會在意有人／無人。
網民：唔係時間問題，係老細想搵人做嘢但無人，所以時發脾氣搵嘢嚟講。
網民：老闆每日指定動作，上晝隻錶較快N分鐘，下晝隻錶較慢N分鐘。
網民：收工仲要打去通知佢有無咁煩？每日6點準時收工係常識！
網民：咪照單聲囉！直接打落group寫住收工時間：1800！
網民：（你應該要喺group咁樣回）老細，而家已經1800，我收工囉，有咩事聽日繼續唷！bye bye你條尾～～～
網民：我好明白你的心情，請電腦部幫老闆安裝一部printer在家中！
網民：18:05分我print咗唔通你又返嚟拎咩？
網民：18:05 print份文件出嚟？佢夜晚返嚟攞？
網民：痾屎又講聲，飲水又講，講到佢頂唔順！
網民：如果唔係早走，收工咪走囉，點解要通知？
網民：你無早走，其實應該咪唔使通知囉！
網民：放工直接飛行模式，唔理佢咁多！
網民：樓主咪對號入座先，老細無講邊個同事有問題，只係吩咐下！
網民：準時收工不應是問題
雖然少部分網民認為事主對上司的訊息過分敏感，因為該訊息並沒有指名道姓，但眾多人卻持相反意見，指相關措施十分麻煩，增加了員工放工的瑣碎程序。許多人指出，收工從來不應該是問題，反而是普遍辦公室的文化陋習造成準時走仿如罪過一樣。
另有人覺得，上司要求員工在下班後做新工作不合情理，因為放工時間後應該屬於員工個人生活。根據事主所述，該公司應正在實行在家工作安排，多名網民質疑老闆會否在完成影印後返回公司取文件，認為老闆小事化大。不過，有些留言則指，老闆是支付薪酬的那位，打工仔受氣也別無選擇。
辦公室好難頂？即睇5個影響員工幸福感嘅職場習慣（按圖了解）
延伸閱讀：【職場熱話】打工仔呻公司last minute文化好病態 網民：好多地方都係咁
延伸閱讀：【職場熱話】因老細惡言相向辭職 會否太無用？事主：隔住道門都聽到佢咆哮⋯
延伸閱讀：【職場熱話】打工仔盤點10大衰上司行為 無料扮有料 一時一樣....
Look out for further updates on our Facebook fan page!
Follow CTgoodjobs for the latest career news, hot topics and recommended jobs!