【職場熱話】老細要求員工帶埋佢個仔做Gym　網民：佢肥咗就死！

本港肥胖問題持續，香港肥胖醫學會指出本港約有30%成年人口屬於肥胖，而政府數據顯示約有20%中小學生屬於肥胖。新冠肺炎疫情期間，眾多人採用遙距模式上班上學，不少人長期不需踏出家門，或使肥胖問題加劇。最近，一名打工仔到社交媒體專頁「奴工處」投稿，提及自己獲老闆指派一項任務，竟然是幫老闆兒子減肥！

延伸閱讀：【職場熱話】上司應該同下屬打成一片 定保持距離？網民：最緊要公私分明！

即睇事主分享及網民回應：（按圖了解）

+12

+11

事主：我老世個仔要減肥，知我做開Gym，話津貼我，但我要帶埋佢個仔去做，一星期三日……

網民：拒絕啦！工作切記要將公事同私事分開！
網民：咪搞啦，佢咁錫個仔，一陣減唔到肥或者整親，到時乜都賴你，你只會無運行！
網民：佢肯郁就唔使人帶啦！
網民：一個月後仲肥過依家實入你數！
網民：減肥係好反人性嘅事，因住佢個仔憎咗你，然後同佢老竇講你壞話！
網民：唔好自找麻煩！
網民：津貼點計都係廢㗎喇。你搞得掂佢個仔包你平步青雲，但伴君如伴虎，睇你有幾進取喇……
網民：最怕到時兩面不是人。
網民：大佬，咁樣點媾女呀？
網民：請part time都想慳返！
網民：直接搵個教練啦！
網民：你介紹個教練畀佢，專業啲！
網民：只係帶個仔去做gym，去到咪介紹個教練囉！

協助老闆私事如賭博

許多網民奉勸事主懸崖勒馬，答應相關要求或會致自己於危險境地。某名網民開宗明義指出，協助老闆私事犯了「公司不分」的職場大忌，暗指工作關係滲入個人生活做法不智。另有人則指，今時今日父母十分緊張兒女，如果在健身過程出現問題，老闆降罪未必是打工仔能夠承受，「只會無運行」。

眾網民認為，答應幫老闆兒子問題猶如一項高風險、高回報的投資，皆因兒子成功減肥即代表有個人功績，但「仲肥過依家實入你數」。對於不少人來說，減肥並非易事，各人身邊難免會有口說要減肥卻未有付諸實行的朋友，這或可反映事主成功與否的機率。

另有人則建議事主「直接搵個教練」，避免將責任扛上身，隨時落得「兩面不是人」的下場。

公私要分明！唔想收工後覆WhatsApp就要睇以下3大謝絕上司夜晚講公事嘅重點！（按圖了解）

+13

+12

即使你同同事、上司關係再好，有7個秘密都唔可以講！（按圖了解）

+12

+11

延伸閱讀：【職場熱話】工作後難以抽時間做運動　網民：唔好畀藉口自己懶

延伸閱讀：【職場文化】每周工作55小時 中風風險增加35% 邊類群組最危險？

延伸閱讀：【職場熱話】打工仔發起「準時放工」運動 拒絕扮OT文化

⏩⏩  需要請人？立即刊登招聘廣告！  ⏪⏪