Next
【職場熱話】老細以為自己英文好點補救？網民：開會前背定稿先！
【職場熱話】老細以為自己英文好點補救？網民：開會前背定稿先！
2022-05-06
英文是世界主要的語言，在生活上我們都不得不使用英文；在香港職場，英語更是主要語言，無論是日常的文件處理，還是郵件，都離不開英文。不過並非所有打工仔都擁有良好的英語能力，部份人只是處理日常工作都感到非常吃力。最近在網上討論區有打工仔分享自己的經歷，坦言英文差，卻被老闆誤會英文好，因此感到不知所措，網民都紛紛給予意見：「開會前背定稿先！」
點圖了解更多事主經過：
延伸閱讀：【職場熱話】熱選5個最沉悶工作 金融業竟然佔了4個？「工作乏味但收入高」
延伸閱讀：【行業趨勢】銀行及金融業2022年平均加薪幾多？了解熱門崗位月入中位數
事主分享：「我由細到大英文都好差，話說呢幾個月因為疫情，可以做Online Interview，就心諗今次執到啦，可以一邊開Cam，一邊讀稿，最後如願以償，我好快就有Offer。
去簽約嗰陣，老細問我英文點解咁流利，我心諗：「唔係啩？流利？我由細到大英文都無合格過喎？」開頭仲覺得好開心，畀人讚喎！點知入到去，間公司日日都要同啲外國人開會，我次次只係識得答Yes yes yes，完全唔知佢哋講緊咩。
直至今日，老闆捉咗我入房，諗住佢會鬧到我飛起，或者炒咗我，點知佢同我講，叫我唔好緊張，知道我英文好掂，仲叫我過兩日開會露兩手，畀個主席位我主持大局，我而家真係呆咗，過兩日就要開會，各位有無咩好方法可以令我兩日內英文有個大躍進？」
網民回應：
A/ This This This
B/你都係Sick Leave啦
C/I go to school by bus
D/I agree with you
E/同佢哋講，這裡是中國，請講中文！
F/Um…So Next Page
G/Well, What do you think, XXX?
H/同老細講：They are all talking about rubbish. That’s why I didn’t say anything
I/主持大局只係講一句英文咪得囉， Hey! XXX what’s your opinion，將會波拋返畀相關人士
J/樓主你咪好似之前讀稿咁囉，背定稿先，諗埋會畀人問咩問題同要答啲咩，問到唔識唔明就話下次開會再答
K/一開波就話，Let’s talk about the Cantonese
L/上網Apply過第二份工啦
M/ 用罐頭式英文主持：Let''s get started. /（人名） Anything you would like to share? / That''s great. Who next? / 最後 Let''s call it a day. Have a good day.
N/話Book唔到房，叫大家上網開會，你係主持，地點你話事
如實相告 提供改善方案
正所謂「紙包不住火」，即使把秘密藏得再好，也會有被老闆發現的一天，到時候情況可謂不堪設想。在悲劇發生之前，事主不妨考慮將事情如實告訴老闆，並告訴他，你會努力改善自己的英語，以應付日常的工作。如果老闆能夠接受，當然就是天大的喜訊；否則，就應該為自己的將來好好打算，規劃一下自己的英文進修大計。
在寫電郵的時候，有甚麼潛規則？不妨參考以下6點！（點圖了解更多）
延伸閱讀：【職場貼士】收到Offer點問加人工？教你10個加薪談判技巧！
延伸閱讀：【辭職學問】合約於離職後依然有效力？！ 3個常見離職後的限制條款
Look out for further updates on our Facebook fan page!
Follow CTgoodjobs for the latest career news, hot topics and recommended jobs!