【職場熱話】永遠唔好同公司講感情？10年青春換來一句說話 被炒前仲要幫手帶新人

踏入職場守則第一條，「永遠不要和公司談感情」。這是過去許多打工仔的善意忠告，但不少上班族仍然「重覆犯錯」，就如連登討論區上的這位打工仔，他以「就快畀人炒，有感而發」為題，繼續向其他打工仔發生警示，希望他的經歷可以引以為鑑。

按圖即看與公司談感情的「結局」：

+15

+14

事主︰「帶咗條team差唔多十年，由初初經常出事去到呢兩年教到自動波。加上成套系統畀我砌到基本上冇咩可預見漏洞，除咗啲突發嘢要跟，咁諗住可以hea到退休。點知老細早排問我做咗十年，之後諗住有咩發展。話呢度都冇得發圍叫我過年後不如睇睇出面有咩機遇，公司可能要縮人之類。話過年後會搵多個人幫我手，叫我帶吓佢咁話。」

網民點睇：

A︰真係做嘢千祈唔好做得太好，要中規中距先至襟撈。
B︰可能你未搵到自己system漏洞啫，可能你開間公司做系統維護都唔錯。
C︰做咗十年變人工高老海鮮，炒你一個可以請返幾個fg，唔炒你炒邊個。
D︰就係要畀你腦細知道無咗你唔得。
E︰放養「幫你手條友」咪得，佢未接到手老細都唔會咁易炒你。
F︰做咗10年，仲要唔係冗員，咁都唔留你？！呢啲公司好極有限。
G︰你都做咗10年，啲hr同你上司有睇你performance review咩（除非你太差），睇份糧嚟炒，最緊要到數。
H︰如果新嗰條友係外面人嚟in，我會覺得嗰條友慘，明明想搵份好工，點知撞正呢啲。
I︰其實你都有晒答案，直接啲問大家有乜計，玩返公司轉頭算啦。
J︰諗起之前有人share話佢上司會定期整啲bug出嚟再自己solve返，keep住有嘢撈。
k︰有時唔明職場文化要搞成咁，做得好就畀人妒忌、畀人排斥，排到啲叻人走哂。做得差就就日日畀人罵當出氣袋，反而中規中矩就步步高陞。就算唔升都唔炒畀佢留到退休，真係好黐線，一間公司唔會想自己越做越大，反而想大家乜都唔做，唔錯就值得表揚。

網民對於事主的分享表示愛莫能助，認為事主最錯的事就是太為公司着想，事事做到最好，結果最後落得被解僱的下場。有網民認為凡事中庸就是職場生存之道，沒必要做最出色，亦無須做最差，中規中矩的工作態度，自然能「活到最後」。但有人則覺得這些職場文化非常扭曲，做到事的就被用盡，做得差的就被當成「出氣袋」，反而中規中矩就步步高陞。

延伸閱讀：【職場熱話】嫌同事周末熄電話無責任心 網民：放假做嘢可以補返錢？

►最新【媒體 / 廣告】職位空缺

其實坊間一直流傳各種職場生存守則，有打工仔就列出以下「16個不」。按圖即看職場的「16個不」：

+15

+14

►最新【市場營銷 / 公共關係】職位空缺

想在職場上過安穩的生活，除了不要和公司談感情外，有打工仔就認為「千萬不要跟同事做朋友！」這句同樣應銘記在心，網民們更盤點出辦公室的生存貼士：（按圖即看）

+11

+10

延伸閱讀：【職場熱話】做得打工仔就要信奉「返工要hea」嘅心態？網民：公司畀幾多人工咪做幾多嘢！

延伸閱讀：【職場熱話】打工仔應否為工作搏命？網民：但求心安理得

最新專訪片︰

【SHE Says】打破職業性別刻板印象 平衡領袖、媽媽身分 滙豐香港首席資訊科技總監Charlotte：我有克服所有困難的自信

⏩⏩  需要請人？立即刊登招聘廣告！  ⏪⏪