【職場熱話】工作壓力大到喊 月薪2萬打工仔︰被老闆鬧到唔值呢個價

好多人都話，被老闆鬧是打工仔的職責之一，要是人工不算高，又經常被鬧到一文不值，這位老闆又是否懂得尊重人，這份工作又是否值得繼續做下去呢？有打工仔最近在連登討論區開post大呻工作壓力大，由於被老闆鬧到完全不值得$20,000人工，更懷疑自己生存在世上的價值，試過壓力大到自己坐在街上痛哭，你又認為這份工作還值得留戀嗎？

按圖即睇打工仔和網民的分享︰

+14

+13

打工仔指︰「覺得對前途一片迷惘，俾老闆鬧到懷疑人生，懷疑自己存在於世上嘅價值，其實我只係月入$20,000幾蚊，已經俾老闆鬧到我完全唔值呢個價，話對我宇宙級失望。所有同我共事嘅人都唔喜歡我（即刻老闆覺得我有顏值加持，亦無法抵銷我嘅缺點），真係傷心到唔識形容。老闆鬧我唔識同人溝通，因為我做娛樂圈做咗太耐，話我根本唔知現實世界嘅工作戰場係點樣生存。

其實我覺得佢講得啱，自己似乎一直活喺一個粉紅泡泡嘅行業，唔知如何同現實世界接軌。純粹覺得賺錢真係好辛苦，24小時on call，瞓遲咗幾粒鐘都俾人鬧到癲，Stand by時間係0900-0000。有冇人工作壓力大到自己坐喺街度喊？」

網民A︰有得走咪走，無諗住走就要諗辦法生存，學識凡事唔好咁上心好重要，如果佢鬧得你啱佢嘅意見真係幫到你進步咪要吸收，其他人身攻擊純粹發洩嘅就要學識唔好咁上心，左耳入右耳出。無謂俾呢啲無價值嘅嘢，搞到自己唔開心咁蝕底。

網民B︰咁你都係唔習慣啫，呢份工做壞咗，但賺咗經驗，轉去下一份就無事。

網民C︰無嘅，睇下人哋點開口，大家都係扮工，你唔尷尬，就係人哋尷尬。

網民D︰搵份躺平工，畀返啲時間自己，做自己想做嘅嘢，為份工整到自己唔開心，係世上最傻嘅事。

網民E︰30歲轉行唔容易呀。真係覺得壓力大嘅話就應該認真諗下呢份工適唔適合自己去做。既然有大學學歷，不如考慮付出多一年時間拎埋PGDE做教師？趁而家流失率高肯請人，你正正常常嘅話，做幾年保你底都一定搵到你心目中嗰個數。

網民F︰大把人都係咁，你失敗，好大原因係你僱主造成。

網民G︰記住職場上無話無咗邊個唔得，打份工，唔係賣命，唔啱做就轉工/轉行。

網民H︰個個打工都話做嘅嘢唔值呢個價

網民I︰唔使咁擔心，頂唔順最多轉行，做乜都好，最緊要保住高顏值，最後嫁人，等人養。

延伸閱讀︰【職場貼士】返工壓力爆煲！9種方法紓緩工作壓力

新冠肺炎疫情重創不少行業，令很多打工仔都長期處於緊張狀態，經常擔心自己工作表現不達標，或成為下一位「開刀」的對象。有中醫師的臨床觀察發現，有5個職業長期處於高壓的環境下工作，容易造成情緒失控、緊張、焦慮及脾氣暴躁等問題，不但會影響心理健康，更有機會影響免疫力調節功能，令身體出現毛病。

按圖即睇5大高危行業︰

+8

+7

按圖即測你是否有焦慮症︰

+8

+7

延伸閱讀︰【職場心理】十大職業倦怠症狀 測試你中了幾多項！

⏩⏩  需要請人？立即刊登招聘廣告！  ⏪⏪