【職場熱話】同事常去廁所疑偷懶　老闆不責罵卻問了一條問題令人驚奇

CTgoodjobs' Editor

Published: 2022-08-26

Updated: 2022-08-26 17:28

辦公室有各種各樣的同事，身邊難免有怪事發生。每間公司總有一兩個人特別令人討厭，其存在沒有減輕同事工作量，反而加重了各人負擔。如果你身邊有一名經常「借尿遁」的同事，相信也是件頗煩人的事。

最近，香港討論區有打工仔發文，表示其一名同事在工作期間長期於洗手間逗留，早已惹來辦公室內的閒話，但其老闆知悉事宜後竟沒有責罵，反而問了一道問題，令會議上的人感到驚奇，但不少網民卻認為這個做法聰明。

延伸閱讀：【職場八卦】同事成日喺公司廁所講人是非？網民：聽得好開心

即睇發文者分享及網民回應：（按圖了解）

+19

+18

事主：話說有個同事一日去勁多次廁所，仲要去得好密，每次都去得好耐。有時候好忙嘅時候，想搵佢又搵唔到，唔知佢人去咗邊，佢就會話啱啱去咗廁所，個肚唔係好舒服。但我覺得一兩日係咁都冇咩問題，但佢係日日都去好多次廁所，真係咁多嘢屙咩？仲要每次都去咁耐，差唔多返工有三分一時間都喺廁所入面，我就覺得佢係去蛇王。

有時佢去咗廁所，其他同事一齊討論佢今次會去幾耐廁所。有其他同事仲大膽懷疑呢位同事會唔會吸食毒品，所以先去咁多次廁所。有次討論緊佢嘅時候，老細行過嚟聽到，竟然話我哋唔關心同事，可能係嗰位同事真係腎有啲事呢。之後開會，老細竟然仲喺咁多同事面前問嗰位成日去廁所嘅同事︰「你個腎冇事嗎？」老細真係好關愛同事呀！

網民：一個鐘一次又幾頻密……
網民：如果尿頻，每次去的時間只需很短，所以唔似。
網民：我覺得佢直頭係偷懶啦！
網民：如果廁所夠大，可以搬佢張書檯入去，方便佢唔使行出行入。
網民：有3個鐘喺廁所，OK啦！（曲）
網民：站喺老細角度睇，唔會一嚟就一棍打落去，梗係先關心，先禮後兵。
網民：老細明顯暗示緊個同事啦！如果係真，就要證明一下；如果係偷懶，之後識做啦。
網民：去咁耐廁所點會係個腎有事呢？好明顯係忍唔到米田共啦。
網民：去廁所大小便，係人嘅自由。一個鐘去一次，好合理。
網民：可能係腸有事呢，要照大腸鏡。
網民：好老闆，好人好事，不過個員工相當有嫌疑，如果有病，首先要話畀老闆知。雖然有私隱，但避免瓜田李下，亦要考慮讓其他同事知道，此乃職場生存之道。據小人淺陋常識，好似索K嘅人，膀胱會出問題導致尿頻，嚴重嘅要用成人紙尿褲。
網民：一，你老細真心從員工角度出發，唔係一味責備，你預設佢蛇王，未審先判；二，你老細點睇係一件事，但佢唔想你哋用八卦心態／方式討論人哋；三，你老細用軟性發話畀嗰個員工聽，佢聽得明最好，自己識做；聽唔明，總有其他辦法對佢嘅。

老闆不硬碰　網民讚高招
事主辦公室內眾人皆不齒「借尿遁」同事所為，本以為老闆知悉事件後會大發雷霆，但怎料老闆意外地心情平靜，更在會議上問候該名同事的腎臟是否出現問題，令眾人感到驚奇。

多名網民則指，老闆的問題實在高招，避免了未審先判，更讓該疑似偷懶的同事知悉問題已受高層關注。同時，不當面斥責也讓身邊同事認為高層人員關愛下屬，有助建構正面形象，實屬一舉多得。從此可見，處理相關問題，硬碰硬未必是最好的處理方法。

前往洗手間屬人類基本需要，但工作期間過分「借尿遁」終會惹來他人不滿，所以去洗手間時間應要合理，不應過長。

工作應盡忠職守，但長時間坐在同一位置對身體不是好事，按圖即睇久坐不動的壞處，以及10個增加活動量的返工小習慣：

+17

+16