Next
【職場熱話】公司要求預早24小時請病假 網民教路：每日都請定假先
【職場熱話】公司要求預早24小時請病假 網民教路：每日都請定假先
2022-05-24
每個人總會有生病的時候，所以請病假獲世界各地勞工法例保障，包括香港《僱傭條例》也有關於病假的條文。不過，沒有人知道病菌何時襲來，發病也非常人可以控制，但最近社交媒體專頁「奴工處」卻有一名打工仔投稿，提及其公司有條奇怪規例要求員工須預早24小時請病假，惹來網民熱議。
延伸閱讀：【假期政策】員工非因工傷告假 不給予病假會否觸犯僱傭條例？
即睇事主分享及其他網民回應：（按圖了解）
事主：我公司full time員工請病假要24個鐘前通知，而且要有員工代替到職務先會批我請病假，否則當我曠工……
網民：咁你每日都打返去話病假，嗰日無事就照返工銷假。
網民：中咗新冠係咪都要返工通知聽日隔離？
網民：如果合約寫到明就開心喇，可以直接拎去勞工處開file！
網民：鼓勵轉身射個三分波而唔係真病先請囉，呢啲係公司嘅體貼！
網民：邊有人知自己聽日會病㗎……最多都係「嗰晚開始唔妥，訓醒聽朝睇醫生」嗰隻，但都唔會有24小時啦。
網民：老闆我聽日撞車！
網民：可以早一日知自己會病而請病假，嗰啲叫詐病，其實老細係咪識玩之人？
網民：呢間公司已經假設咗員工請病假唔係因為病！
網民：我今日覺得我聽日個腦有問題，所以我依家暈咗先。
網民：萬一唔好彩返工期間搭車撞車，入咗院的話份工就係咁先。
網民：我做過一間公司都係咁樣，有同事質疑呢個制度，但HR話你返工已經簽咗同意員工手冊裏面嘅條文。
網民：唔合勞工法例唔使理佢！
網民：我以前有間公司請病假，要病嗰個即日返公司畀假紙……
條例沒提及告假方式 網民：沒人知自己明天生病
幾乎所有網民指出，人難以預先知道明天生病，認為事主所屬的公司無理，提早24小時告病假的要求變相剝削員工告病假的權益。有網民形容，事主公司變相鼓勵員工「射波」，因為只有詐病才會24小時前知道要告病假，更有人揶揄公司照顧同事詐病休息的需求，十分「體貼」，諷刺其無理之舉，而有一名網民則笑言「每日都請定假」就可以避免真正患病時沒有病假。
另有網民提及，相關措施或會違反《僱傭條例》，但同時有打工仔哭訴曾遇過有類似規例的公司，該公司的HR卻指：「返工前已經簽咗同意員工手冊裏面嘅條文。」實際上，現行《僱傭條例》（香港法例第57章）只定義了病假日的定義，以及列明僱員可獲疾病津貼（即俗稱「有薪病假」）的條件，各企業或因而有不同的請病假方式。
無論如何，《僱傭條例》第2條解釋病假日為「僱員因受傷或患病而不適宜工作，並以此理由缺勤的日子」。如企業要求員工生病期間上班，該員工也未必能正常處理工作，更可能增加病菌在辦公室傳播的風險。制定病假政策理應合理，只依照法例最低標準既難以挽留人才，又會對企業形象構成負面影響。
病假一定有糧出？按圖了解3個求職者對假期政策的常見誤解：
今年「勞工假」新增佛誕一天，但仍比「銀行假」少4天，究竟兩種假期何時平權？（按圖了解）
（上述部分並非法律文件。有關法例條文的詮釋，仍以法例原文為準。若遇上類似事件時，應尋求法律專家之意見。）
延伸閱讀：【職場熱話】發燒請SL被老闆質問點解發燒！網民：叫佢問醫生
延伸閱讀：【職場熱話】同事獲允告假5天做手術 上司反口出警告信：唔做唔會即死
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!