【職場熱話】公司新增小學雞規矩 食Lunch前3分鐘唔畀去廁所

各處鄉村各處例，每間公司管理員工的方式也不同，有老闆喜歡家長式管治，亦有人信奉無為而治。最近有網民表示公司新增了一個「小學雞」規矩，不容許員工在放Lunch前3分鐘去廁所，以防同事偷懶，引起一眾網民熱烈討論。

延伸閱讀：【職場熱話】打工仔狂數上司6大麻煩位 家長式管治、神經質、起同事底……

該網民表示公司早前公布全新規定，所有同事在放Lunch前3分鐘不可以去廁所。「老細話因為話有同事食Lunch前3分鐘去廁所，之後直接走人，違反公司規定，所以叫我哋就算急尿都要放Lunch先去，真係好小學雞……」

大部分網民皆認為這個規矩很無稽，提議倒不如設立打卡制度，所有出入紀錄一目了然，而不是限制員工去廁所的自由。亦有人突破盲點，「咁我早過3分鐘前去咪得，再直接閃去食飯。」

按圖了解網民反應： -咁嘅公司真係唔做好過，佢出得呢啲規矩，平時一定仲有好多其他辣招，唉！
-好癲喎真係，如果3分鐘急尿急到忍唔到，係咪要瀨喺地下呢？
-呢種公司只會計較你令佢蝕底3分鐘，而唔會理你平時日日夜晚OT，為公司付出嘅額外時間。
-肯定係有人之前拎盡著數做壞規矩啦，有人不滿投訴先要執行小學生規則。如果同事夠自律，公司理得你幾時去廁所。
-其實公司都要用好多行政資源去執行，最實際嘅做法咪叫同事打卡先放飯囉。
-呢啲公司，走得就走！你改變唔到公司環境，唯有自己選擇去一個更好嘅環境。
-呢種家長式管理已經不合時宜，遲早迫同事逐個遞信走佬。

原來有很多公司對員工去廁所都有嚴格規定，早前有另一位打工仔分享，老闆為了限制員工去廁所的時間，竟然實行廁所打卡制度。凡是每月內去廁所少於一小時的員工，即可獲零食基金獎勵。

按圖即睇廁所打卡制如何運作： 延伸閱讀：【職場熱話】被迫做上司外賣專員 員工：每5鐘分問我一次送到未……

延伸閱讀：【職場文化】Last day派散水餅被上司嫌cheap 打工仔︰佢直接掉落垃圾桶

延伸閱讀：【職場貼士】湊唔掂老細？拆解５種上司類型 教你見招拆招


【最新調查】《CTHR　2021年畢業生薪金及就業調查》結果出爐！立即下載調查報告！

⏩⏩  需要請人？立即刊登招聘廣告！  ⏪⏪