Next
【職場熱話】公司實施AB Team政策 但女同事居然為了OO返office？
【職場熱話】公司實施AB Team政策 但女同事居然為了OO返office？
2022-02-15
在疫情嚴峻的時期，不少公司都全面Work From Home或輪流上班，以減低員工集體感染的風險。不過日前有網民表示，有女同事在情人節（2月14日）違反公司規定，擅自回辦公室，更是因為私人理由，非為公事，令一眾同事反白眼。
延伸閱讀：【情人節】90後情侶欣賞日本惜物文化、匠人精神 創業賣日系戶外用品 為露營注入幸福感
點解女同事要返公司？（按圖即睇）
事主：「而家公司實行AB team，大家輪流返office，每隔一星期咁。有個女同事明明噚日（2月14日）應該WFH，但佢就特登返office。我哋其實唔係好明，因為平時最唔中意返office嗰個就係佢。原來佢情人節要返office收花⋯⋯仲喺我哋面前講話叫咗男朋友唔好送，但男朋友堅持要送。我哋幾個同事聽完忍唔住反白眼，咁點解唔叫男朋友送去屋企畀你呀？」
網民意見：
網民A：為咗show off專登返公司⋯⋯不如放上IG打卡算啦，仲多人睇到！
網民B：收花最緊要有無觀眾，你同事真係港女典範。
網民C：應該要報畀公司知話佢唔跟WFH指引，間接令同事有受病毒感染嘅風險。
網民D：多得班男友寵壞晒港女，明明日本情人節係女方送嘢比男方，而家做壞晒規矩。
網民E：分分鐘係自己買嚟送畀自己，扮有男朋友！
網民F：佢知唔知點解要AB team，就係唔想同事交叉感染，如果我係HR會出封Warning Letter畀佢囉。
網民G：送去屋企又點可以曬命呢？諗深一層其實佢幾可悲，要靠曬命先獲得快樂。
如網民所言，既然公司制定了防疫政策，員工在絕大情況下都應該跟隨。該女同事的行為自私，間接令同事有受病毒感染的風險。更有網民替這位女同事感到可悲，要靠炫耀才獲得滿足感。
抗疫至今兩年多，疫情多次反覆難免令人感到疲累，但為了個人及公眾健康，人人必須繼續努力對抗疫情，而企業也應保障員工健康。以下整理了打工仔分享的公司奇怪抗疫政策。
按圖了解更多：
延伸閱讀：【在家工作】WFH壓力大 暴飲暴食停不了 5種食物可減壓
延伸閱讀：【職場熱話】WFH要畀證據？ 開會要cap圖？ 網民：小學生咩
延伸閱讀：【在家工作】一人一件WFH麻煩事！樓上裝修、公司系統慢、要凑仔⋯⋯
如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!