【職場熱話】企業抗疫政策大不同　WFH、分批放飯、返工要除鞋？

新冠肺炎影響全球各地兩年，本港仍以病毒數字歸零為目標，但最近疫情反彈，政府再度收緊防疫措施，而多間企業也再次實施「在家工作」（Work from home，簡稱WFH）模式。最近，有網民在網絡討論區「連登」發文，邀請各位巴打、絲打分享其公司的防疫政策，怎料仍有為數不少企業繼續要求所有員工每天返回辦公室，取而代之為奇怪的抗疫政策。

延伸閱讀：【職場管理】高層籲留公司食飯但自己外出　打工仔：以身作則都做唔到

返工除鞋為抗疫？即睇一些公司的抗疫政策：（按圖了解）

+12

+11

1. 「佛系」抗疫

網民A：日日喺度叫人打針。

網民B：除咗戴口罩就完全無防疫措施……

2. 分批午膳

網民C：分批食lunch，但lunch時間依然係12:00-13:00，無加過……

3. 提早收工

網民D：提早收工，但最慘之後要還鐘……

4. 禁止返回公司

網民E：唔畀人返公司，除非有特別原因，要同global management申請，否則一定要WFH。

網民F：羨慕死人！

5. 返到公司換鞋

網民G：公司（上咗市）無WFH、無彈性上班時間，HR要我哋返公司要換鞋，咁我諗住側側膊唔多覺啦，話換咗但將對鞋擺喺自己枱底咪得囉！

網民G：點知HR將鞋架擺喺公司門口外面，一出lift就要即刻除鞋，將對鞋擺喺鞋架，再換返一對自己帶咗乾淨嘅、消毒咗嘅鞋。

網民H：醒啲嘅就喺門口整樣嘢畀人踩嚟消毒啦，幼稚園都係咁做。

網民H：不過呢啲其實都係門面嘢，有本事就全身衫都要換晒新嘅，但如果入公司嗰個人係確診者都係無用。

抗疫人人有責　企業應制訂適當安排

抗疫至今兩年，疫情多次反覆難免令人感到疲累，但疫情再度反彈無可奈何已成事實，人人必須繼續努力對抗疫情，而企業也應保障員工健康，在疫情嚴重時期制訂適當的工作安排，以免病毒擴散，對員工與社會負責。

部分企業再度實施WFH，視像會議必不可少！做齊以下10件事，讓工作團隊依然在網絡保持互動：（按圖了解）

+18

+17

延伸閱讀：【新冠疫情】有企業只許請針假而不准請大假　強迫打針或涉歧視

延伸閱讀：【保就業計劃】政府推第五輪防疫抗疫基金 本周五公布詳情

延伸閱讀：【職場熱話】老闆收工單獨約食飯 點樣推先好？網民：屋企人大廈有人確診

⏩⏩  需要請人？立即刊登招聘廣告！  ⏪⏪