Next
【職場熱話】中層打工仔慨嘆夾心層最慘 高層問責、低層懶理……
【職場熱話】中層打工仔慨嘆夾心層最慘 高層問責、低層懶理……
2022-05-25
有謂「高不成低不就」，一直以來，夾心階層往往是最容易被遺忘的一群，不論是社會福利分配，還是職場也有同一情況。最近，有一中層打工仔到社交媒體專頁「奴工處」投稿，慨嘆做中層是辦公室最悲慘的一群，並描述多個苦況。
延伸閱讀：【職場熱話】慨嘆人到中年的悲哀 40幾歲打工仔有學歷卻買不起樓 只能夠認命?
即睇事主分享及其他網民回應：（按圖了解）
事主：「其實月入4萬至5萬最慘，交稅已經跌咗去最重個bracket，每年大概出得10.5個月糧（唔計bonus，同埋都唔係間間公司都有花紅分）。公屋排唔到之餘，連居屋都無資格抽，私樓納米樓都成500萬至600萬，而公司嘅嘢畀晒中層做，細嘅話之你死，高層淨係識捽數，出事就縮。中層真心最慘，細嘅瀨嘢，高層只會問責中層，下面班細嘅做唔晒、要準時放工又唔迫得佢OT，大嘅淨係要個結果，搞到放假要自己一個人喺屋企做晒啲嘢。」
網民：我相信你是一個好中層。
網民：我好想去你公司做細嘅。
網民：係你這位中層盡責啫！
網民：從來都係，上面就恰鬼你唔敢出聲，乜都叫你死掂佢，下面嘅鍾意嘅就返，唔鍾意嘅就射波。
網民：Junior少你一半人工就梗係唔OT、唔理得你咁多，理埋你個份佢自己就做咗Middle management啦！
網民：要OT先做得完嘅工作量就唔應該一個人做晒啦！
網民：所以好多人唔想升職，唔預期會上到高層，就中層都唔想上。
網民：中層最致命係唔敢改變！
網民：每年交稅嗰兩個月都想死，白做成個月。
網民：咁慘唔好做喇，畀下面啲人上位。
網民：咁大壓力，轉返做低層？
網民：4萬至5萬係中層？睇吓係咩公司⋯⋯SME的話，算高層添！
網民：咁3萬至4萬嘅孭飛中層呢？
網民：「其實月入40-50k最慘」呢句真係難聽過粗口。
網民：覺得咁慘咪搵份低層工去排公屋、抽居屋，無人強迫你收50k人工。
網民：中層係慘，但40-50k嘅中層唔慘。
網民：上中下層失業待業無業都各有各慘，有咩好比較呀，而且無可比性。打工收份糧職責就係解決問題，包括自己問題。解決唔到就解決自己或公司囉！仲可以點？
受上下兩面夾擊 美研究：較多中層有抑鬱症狀
根據事主投稿所示，「高不成低不就」的位置令職場壓力集中在中層人員身上，皆因中層人員沒有高層人員的決策能力，也不能如低層人員在做錯事時可獲原諒。此外，事主另控訴社會福利分配忽略夾心階層，令該階層的打工仔墮進累進薪俸稅最高稅階同時，薪金超出申請居屋限額，並不足以購買私樓。
雖然有部分網民認為事主是個盡責的良好中層人員，但不少網民認為事主吐苦水如同無病呻吟，認為4萬至5萬的薪酬值得要處理上層要求和收拾下層殘局的工作，其中一名網民表示：「Junior（低層人員）少你一半人工就梗係唔OT、唔理得你咁多。」另有網民則指，坊間存在收取3萬至4萬月薪的中層人員，暗示事主並非最慘的一群。此外，有網民認為，不同階層也有不同事情需要面對，沒有甚麼好比較。
中層管理向來屬人力資源研究的主要範疇，美國哥倫比亞大學（Columbia University）曾於2015年的研究發現，18%中層管理人員出現抑鬱症狀，較創業者或管理層的11%為高。
台灣求職網站yes123年初曾發布調查結果，當中提及10個升職後的後遺症：（按圖了解）
疫情致經濟不景，多間公司傳出裁員消息，如不幸要解僱員工，有邊10個地方要注意呢？（按圖了解）
延伸閱讀：【職場熱話】上司扮後生講潮語照顧00後新同事 同事：聽到都覺得尷尬
延伸閱讀：【人生選擇】30歲應追夢還是安於現狀？ 網民︰人生只有一次
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!