Next
【職場欺凌】被上司欺凌搞到辭職 Exit interview應唔應該同HR講？有冇用？
【職場欺凌】被上司欺凌搞到辭職 Exit interview應唔應該同HR講？有冇用？
2024-10-21
上司與下屬的關係往往是最難拿捏得宜的一環，而遇到好上司的機會更是少之有少，不少人更慘遇職場欺凌，繼而選擇辭職……如果你有機會與HR做Exit Interview，你會否將所有感受分享告之？
Table of Content
有網民正正因為此情況而在社交平台專頁「奴工處」上以「被上司職場欺凌，Exit Survey講唔講？」為題投稿分享，指自己正在猶豫要否將被欺凌的經歷告訴HR。沒想到網民的意見兩極！
延伸閱讀：【離職面談】做Exit Interview向HR盡訴對高層不滿！真係會保密？網民：你中計啦！
即睇事主分享及網民回應：（按圖了解）
事主：「我被上司職場欺凌，最老套嗰啲招數，少少錯講到好誇張，明明唔係我錯就扭曲事實，喺CC老闆嘅email寫到我錯晒，另外當然包括要我做大量唔係我個rank需要處理嘅濕碎事，喺open office好大聲咁數我（但我明明無做錯嘢），話老闆鬧佢幫我頂晒（其實冇)，臨放工先要派新task落嚟，冇講deadline，一開始我當然留返第日先做，點知老闆就過嚟問我點解未做，又係明trap我。佢啲嘢唔講清楚，我問，佢就話唔expect我個rank都要逐樣問要人spoon feed，唔問照正常做，佢就雞蛋挑骨頭。 於是我就辭咗職，反正返咗個幾月，無打算落CV。而家HR叫我做exit survey，係咪可以喺度話佢bully我呢？」
網民：「唔理有冇用，照直講，反正都冇後果，不如盡自己一分力量。假如佢哋正視，不僅可以幫到其他人，自己都算叫做報到仇。冇效果你又冇損失嘅。」
網民：「你講唔講其實佢都寫花咗你，佢不仁你不義，香港就係一個人食人嘅社會，最緊要條道理係邊個度多啲，有個咁好機會 exit interview 一定要講晒出嚟，佢就係恰你唔敢出聲！」
網民：「如果係香港，唔好講。HR只係take down record，你同呢個上司唔夾，係你唔搵方法去同呢個上司夾而辭職，即係你問題，咁日後你如果再考慮返呢間公司，由於有呢個record，連見工嘅機會都無，因為record 顯示你係一個唔易妥協/合作/與同事、上司相處嘅人。 無謂因為呢啲人，縮窄自己職業生涯條路。」
網民：「唔好講呀！Exit interview 係畀機會HR知道及預備你有機會採取的法律行動，有咩就glassdoor 講。雖然你同HR本是同根生，但HR工作就係保護公司。」
網民：「點解唔講？其實你講係為公司着想，等公司知真相。要用一種專業嘅角度去講，唔係發爛炸咁講，只講事實，咁就最可信。HR一定問你辭職原因，你就吹水話其實好鍾意呢間公司，但乜乜乜乜……自己作啦，加油！」
網民：「講，唔會後悔；唔講會愈諗愈後悔！」
網民：「講都冇用，HR只係例行公事，無實則用處；但若想講出嚟發洩一吓不滿情緒也無妨。」
網民：「呢啲都係形式嚟嘅啫，冇實質作用。不如諗吓點樣預防再次被欺淩，再遇到欺淩點樣保護自己好過啦！」
網民：「其實呢啲咩exit survey 都係做樣，無咩作用，如果間公司架構同管理本身都有問題，個個月都有幾個人走，其實都改變唔到啲乜。」
網民：「如果已經勢成水火，以後不相往還，講咗都冇後顧之憂。HR會唔會做嘢並非一個concern。」
網民：「所有嘢要有證據揸手，email留底，最後印份實體，有咩事都有得爭議。」
網民：「唔講，公司管理有問題有咩理由要下屬指出嚟？」
網民：「其實都諗住唔落CV，當面拍枱鬧你隻前上司似乎爽過Exit interview講出嚟啦！」
網民：「都辭職又唔會落CV直接鬧佢一獲消消氣仲實際，最好搵埋佢哋有冇咩違法嘢，有就影低證據舉報佢哋。」
講還是不講？
有一部分網民認為不應該在離職面談中提及被欺凌的經歷。他們認為這樣做不僅沒有實質作用，還可能對自己的職業聲譽造成負面影響。這些網民建議選擇退一步，保護自己的未來發展機會。
另一方面，也有網民支持在離職面談中坦白說出遭遇。他們認為既然已經決定離職，不如藉此機會宣洩不滿，將上司的不當行為和盤托出，以免日後感到後悔。這些網民強調，即使無法改變現狀，至少能為自己出一口氣。
還有一些網民提出了更激進的建議，認為與其向人力資源部門反映，不如直接當面責罵上司來得更痛快。然而，這種做法可能因行為不當而導致被解僱，對自身權益造成更大的傷害。
綜合各方意見，對於如何在Exit Interview中應對HR，以下建議可供參考：
1.保持專業態度：無論選擇是否反映問題，都應該以冷靜、理性的方式表達。
2.權衡利弊：在決定是否反映問題時，要考慮可能帶來的正面和負面影響。
3.聚焦事實：如果決定反映問題，應該以客觀事實為依據，避免情緒化的表述。
4.提供建設性意見：除了指出問題，也可以提出改進建議，展現積極的態度。
5.保護自身權益：在反映問題時，要注意不要違反保密協議或其他公司政策。
6.考慮替代方案：如果擔心直接反映問題可能帶來負面影響，可以考慮通過其他渠道（如匿名評價網站）表達意見。
最後，無論選擇哪種方式，都應該以對自己最有利的方式行事，保護自己的職業發展和個人權益。
Exit interview會問咩？
1. 你為什麼要辭職？
2. 你對我們公司的薪酬待遇滿意嗎？
3. 你決定接受新工作的最重要的原因是甚麼？
4. 你對現職工作最滿意的是甚麼？
5. 你覺得現職工作最大的挑戰是甚麼？
6. 你覺得公司的培訓及支援是否足夠，讓你有效地完成工作？
7. 你對公司未來發展有甚麼建議嗎？
8. 將來你還會想為我們公司工作嗎？
9. 你會向有潛質的人才推薦我們公司嗎？
10. 有沒有其他對公司的評價或疑問？
【Exit interview常見問題】
Q1：什麼是Exit interview?
A：Exit interview是員工離職前與人力資源部門進行的一次面談。目的是了解員工離職的原因，收集對公司的反饋意見，以及處理一些離職相關的行政事務。
Q2：Exit interview是強制性的嗎?
A：通常來說，Exit interview不是強制性的。但許多公司會將其作為標準的離職程序之一。員工可以選擇參加或拒絕，但參與可能有助於維持良好的職場關係。
Q3：在Exit interview中，我應該有多坦誠？
A：這取決於個人情況和公司文化。通常建議保持專業和客觀，提供建設性的反饋。可以坦誠地分享經驗，但要避免過於情緒化或負面的言論，以免影響未來的職業發展。
Q4：Exit interview的內容會影響我的推薦信或未來就業嗎？
A：原則上，Exit interview的內容應該保密，不會直接影響推薦信。但是，如果你在面談中表現得極其負面或不專業，可能間接影響公司對您的整體評價。因此，即使有不滿，也應該以建設性和專業的方式表達。
延伸閱讀：【離職面談】做Exit Interview向HR盡訴對高層不滿！真係會保密？網民：你中計啦！
延伸閱讀：【返工返到冇人生】一畢業就返工 6年嚟都係只得工作冇生活 事主：辭咗職先發現世界好大！
延伸閱讀：【辭職跳槽】網民細數辭職警號 有呢啲狀況就要加倍注意！你又有冇中？
延伸閱讀：【2024更新丨辭職攻略丨交接事項】遞信後怕尷尬？6招度過一個月離職通知期 切忌表現過分興奮！
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!