【職場日常】升職試用期過唔到「針對性調動」WFH 事主：係真關心定準備炒我？

CTgoodjobs 編輯部

出版： 2025-08-09 23:15

更新： 2025-08-09 23:15

香港職場競爭激烈，工作穩定成為不少打工仔最基本的期望。不過，近年不少人遇到的最大困難，未必單純來自市道差、升職困難，而是被公司「玩針對」甚至冷處理至邊緣化，正式被「架空」。受影響的員工明明按正常程序努力工作，卻被管理層冷落、孤立，最後連基本的公正對待都感到遙不可及。

有網民於網上平台「Threads」發文指，自己由Fresh Grad加入公司至今已3年，本來升職在望，卻於升職後Probation期突然被指責工作做得唔好，更被舉報與同事相處困難，管理層以「表現未達標」為由，表明不讓其通過Probation，期望員工主動辭職。但出於經濟壓力，只能硬着頭皮捱到約滿。之後卻被公司「有系統」地慢慢架空—無新工作分派，連部門共享文件權限也被移除，甚至被調去另一辦公室，每月只餘極小量瑣碎任務，感覺遭冷落至極。

即睇「針對性調動」係咩事！（按圖了解）

+19

+18

事主：話說我FG之後到宜家喺公司做咗3年，大概今年年頭開始，啲高層開始話我工作做得唔好，同同事相處有問題（話有同事投訴我）！

嗰陣我嘅合約係升職後嘅Probation Period，所以上司話決定唔畀我過Probation。佢想我自己辭職，但我唔可以無收入，所以打算捱到Probation Last Day。

嗰陣開始上司已經無再安排工作畀我（架空），Remove咗我Share Drive權限。

3月嗰陣上司將我調去另一個Office，大概一個月有一至兩個Work Tasks。

噚日上司聲稱Office無位，要讓位畀新同事，要求我WFH。

公司一向無WFH安排，呢個安排仲要針對我一個人，我覺得好不安，唔知佢係唔係想炒我。

我無咩工作經驗，好怕要做炮灰！有無人可以同我傾吓！

網民A：其實人哋已經講到明唔畀你過probation

仲要做到出晒面，真係唔知你其實仲堅持啲咩？

網民B：有3年工作經驗已經係經驗，你當初白紙呢間都請你？點解反而有3年經驗會無公司請？唔係好明你諗咩！

網民C：死都唔好自己辭職，博肥雞餐！

網民D：呢段時間密啲搵工啦！

網民E：如果我返得咁難堪我唔會浪費時間係唔會改變結果嘅事上！

網民F：唔好諗留喺呢間公司啦！就算最後畀你過到probation你上司都唔會畀你有好日子過！

網民G：你叫佢出正式通知WFH就得！講清楚點樣紀錄返工放工！

唔使唔開心！做嘢出糧，唔係賣身畀公司！

網民H：公司同你講到明，已經唔使諗有轉機。第二，仲要Remove你個Server User Right，都無得諗啦，執定CV，然後專心去搵工。

網民I：天無絕人之路，今日嘅堅持諗返轉頭其實我自己覺得唔需要囉！

網民J：有經濟壓力一件事，人哋一早講明唔要你，直情畀晒機會你提早搵工，咁仲有乜問題？

網民K：備好晒證據，問好晒Guideline，白紙黑字有晒框框先，防止佢搵藉口炒你唔賠錢。

無聲無息地切斷職員資源、淡化其存在感，甚至以WFH之名達致邊緣化，而這種安排同時極大削弱僱員的心理安全感。對打工仔而言，遇上這樣的困境固然無奈，但必須懂得自保，包括保存所有溝通紀錄、要求白紙黑字指示、維護自身權益，並盡快主動規劃下一步，不要將自我價值完全依賴在現有公司。遇上職場的不公與冷暴力，其實離開是更好選擇，與其死守一個充滿敵意的工作環境，不如及早為自己尋找新出路。

延伸閱讀：【裁員風暴】上司問裁員意見名單驚現生死之交！事主：呢舖真係左右做人難

+32

+31