【職場文化】老細鍾意放假突擊返公司 check大家有冇遲到 網民：唔偷懶咪唔怕佢查囉！

相信所有打工仔都不喜歡在上司或老細的監視下工作，不被信任的感覺令人很不憤。原來有些老細更會因為不信任員工，而在放假時突擊回公司，檢查員工有沒有偷懶……

延伸閱讀：【另類職人】劍擊十年 由運動員到社工 轉職感言：兩者最着重同是「溝通」

有網民在社交平台專頁「奴工處」上投稿分享，指：「最憎老細明明在休假，但就鍾意失驚無神突擊返公司。扮晒有責任感放唔低啲工事，實情係返嚟陰陰濕濕睇吓同事有冇遲到或冇心工作！」
 
不過網民竟有以下回應：﹙按圖了解﹚
-死，點解我會覺得腦細無問題？間公司佢嘅，放唔放假都可以返嚟吓話？
-老細休假返公司係佢自由，唔緊要。但唔好好似我老細咁樣，用吓個腦。返到公司，佢話唔聽電話，話佢冇返。但轉頭用公司電話打畀個客講嘢。之後個客再打嚟搵佢時（個客有來電顯示），同個客講佢（老細）唔喺公司，個客話：「你老細用呢個電話打畀我。」陷我哋員工於不義，知我哋講大話。
-賊仔最驚人叫救命。
-咁間公司係佢嘅，佢鍾意返嚟2秒，你又真係吹佢唔漲。
-又唔係叫你明明放假要返工，你理得佢啫！
-你要諗諗，老細邊度都飛唔到，除咗公司仲可以去得邊呢？留係屋企冇嘢做，不如返公司！
-老細喎！自己生意唔睇住都得？老細放假都要睇住公司！
-之前有個上司，明明見佢收工走咗，扮唔記得拎嘢，又折返上office。
-前公司有個old seafood都係咁，就算假期，星期日都返office扮工。
-你做好自己啲嘢就得，理得佢咁多。佢鍾意放假返嚟做自己嘢唔得咩？
-記得半夜打畀佢傾project。
-打風後，專登早啲碌返公司都有，講真打風一年都冇三次，遲少少係咪咁大件事？
-間公司唔掂，啲老細就會針對員工，但從來冇諗過個問題就喺自己度。
-工作表現令老細放心嘅話，老細又點會放假都要返嚟stand by？你估放假都要返公司好開心呀？
 
網民竟企老細一方
網民覺得老細要回公司是老細的自由，而且質疑事主如此心虛，是否經常偷懶。大部分網民都覺得，只要事主做好本份，其實不用理會老細。
其實，社會上有不同的人，每個人的做法都不一樣，總不能全都迎合你的喜好，你可以喜歡亦可以不喜歡，但當對方的做法對你沒有太大的直接影響、且並不是甚麼大事，為甚麼都要不滿呢？

記住職場金句：「佢開心就好！」放輕鬆地看所有事，減少一點自製的壓力吧！

延伸閱讀：【另類職人】劍擊十年 由運動員到社工 轉職感言：兩者最着重同是「溝通」
延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀：【職場戀愛】男上司同男下屬打機 情到濃時鍚咗啖 網民：快啲表白！
延伸閱讀：【職場戀愛】男上司追男下屬 結局竟然反轉？ 網民：sweet過睇BL！

 

⏩⏩  需要請人？立即刊登招聘廣告！  ⏪⏪