【職場文化】即學即做無Guideline 事主：所有嘢我決定晒？

為求把項目完成得盡善盡美，老闆通常都會將所有小細節納入控制範圍之內，讓下屬跟隨指引逐步執行。但如果老闆將所有重要項目交給下屬自由發揮，結局又會如何？有打工仔於網上討論區發文，指公司在尚未累積豐富經驗下卻承接大量項目，更將項目的重要決定交由事主自行抉擇，令其倍感壓力。

+2

+1

事主：本身做開間細公司接咗單生意仔嚟做，都算係專業Design嘢嚟，但公司根本無乜經驗，唔係好識搞⋯⋯

事主：都唔知佢點接到返嚟，又無諗住Out Source畀人做，叫我即學即做，仲話信我做到。

事主：本身做嘢已經無乜Guidelines，好多嘢都係我自己決定晒，今次真係有啲壓力⋯⋯

事主：點搞，其實一間公司咁樣係咪正常？

即睇網民回覆：

+7

+6

網民：正常公司嚟講就唔正常；細公司嚟講就好正常，榨壓到你盡。

網民：「早晨」、「拜拜」都唔講，公事嘢都係一句起兩句止，同事間唔啱傾就唔想夾硬傾。

網民：你今年再努力啲，下年老闆就可以買多架法拉利。

網民：老闆畀機會你發揮畀機會你上位就畀心機做好佢啦。

網民：做得差係你廢；做得好係老闆領導有方，我係你就快啲走。

網民：老闆都放得手畀你做你咪做囉。糧你照出嘅，做衰咗都係公司孭飛。

網民：我係你就畀心機做, 學多啲嘢，學到咁上下就偷佢啲客跳出嚟自己接Job。呢個時間應該唔使好耐，一年半載就夠。

網民：辛苦就一定㗎啦，最緊要係有回報。捱多幾年就可以自立門戶，到時候就咩都回本啦。

網民：唔好成日諗咩行頭好窄，衰咗好難立足。邊有人理你係細公司衰過乜？你當係個練習機會，做唔掂咪提早遞信囉。

網民：你公司老闆無本事又要接Job，唔通佢唔使負責？

+11

+10

延伸閱讀：【職場貼士】公司重用你還是利用你？5個情況證明上司有心栽培你

延伸閱讀：【職場辛酸】日日Lunch同老闆食貴嘢 事主：就嚟窮死！

延伸閱讀：【職場文化】做嘢快手係原罪？打工仔不滿上司批評 網民反應兩極！

延伸閱讀：【躺平文化】打工仔不解點解要上進 網民：生活要點過自己揀、自己負責！

⏩⏩  需要請人？立即刊登招聘廣告！  ⏪⏪